Áskerı polıgonda ótken oqý-jattyǵýdyń basty maqsaty - batalondar men dıvızııalardyń daıyndyǵyn arttyrý, olardyń jaýyngerlik tapsyrmany oryndaýdaǵy jyldamdyqtary men dáldikterin kúsheıtý. Sondaı-aq, oqý-jattyǵýǵa qatysýshylardyń psıhologııalyq jáne áskerı daıyndyǵyn kúsheıtý de negizgi mindettiń biri.
-«Shyǵys» áskerı dalalyq polıgonynda júrip jatqan oqý-jattyǵýǵa 40398 áskerı bólimi qatysty,-dedi «Shyǵys» óńirlik áskerler qolbasshylyǵynyń qolbasshysy, general-maıor Nurlan Qashaǵanov,-sondaı-aq, 28738, 10810, 10181, 30217, 44736, 44793, 32355-K, 02352 áskerı bólimderi de kez kelgen sátte el men jer qorǵaýǵa daıyn bolý jattyǵý jumystaryna belsene atsalysty. 600 áskerı tehnıka, 2000 jeke quram jáne arnaıy áýe kúshi jattyǵý alańynda eki kún boıy júrdi.
«Shyǵys» áskerı óńirlik qolbasshylyǵy ózderiniń jattyǵýlaryn Semeıden bastap, Aıagóz aýdany men Almaty oblysynyń Úsharal eldi-mekenindegi aýmaqty qamtydy.
Raýshan Nuǵmanbekova
Semeı
