Baqyt pen úılesimniń ińkár mekeni

Sýretshiniń shyǵarmashy­lyq álemge kelýine ájesi, Qa­zaq­­­stannyń halyq jazýshysy Márııam Hakimjanovanyń yq­­paly zor. Sýretshiniń bala ke­zinde olardyń úıine Sábıt Muqanov, Aısha Ǵalymbaeva, Ǵafý Qaıyrbekov, Farıza Oń­ǵar­synova, Bıbigúl Tó­legenova, Ma­ǵırash Qojahmetova, Mán­shúk Mámetovanyń anasy Ámı­na apa jáne taǵy basqa da osyndaı tamasha adamdar jıi kelip, qonaq bolǵan. Osy se­bep­ti olardyń shańyraǵyna óner men jigerdiń kıesi qonǵan de­sedi. 

Á. Qasteev atyndaǵy Mem­le­ke­ttik óner mýzeıine baryp sý­retshiniń «Keń dalanyń ásem sáý­leleri aıasynda» dep atalǵan je­ke shyǵarmashylyq kórmesin ta­mashalaýdyń sáti tústi. Kór­me­ge sýretshiniń jeke kollek­sııa­synan alynǵan 50-den astam grafıkalyq jumysy qoı­ylǵan. Sýretshi «jazda aǵam ekeý­mizdi týystarymyzǵa alyp baratyndyqtan, aýyl ómiriniń tynysy janyma jaqyn bolyp óstim» dep eske alady. «Máńgilik jyly», «Baqyt qusy», «Áýlıe aǵash», «Eski qu­dyq», «Tátti uıqy», «Sazsyr­­naı tartyp turǵan qyz» atty jumystaryn eń jarqyn balalyq áserdiń jalǵasy desek bolady.

«Aıgúl Hakimjanovanyń shyǵarmashylyǵynda halyq ertegileriniń tańǵajaıyptyǵy  kóne ańyzdardyń qupııalyǵy men onyń jan seziminiń sulý­ly­ǵy órile bitken. Ol óziniń ár­bir jumysynda kópshiligi jum­aq dese, keıbiri balalyq shaq dep ataıtyn baqyt pen úı­lesimniń ǵaıyp bolǵan ále­mi­ne qaıta oralyp otyrady.  Aıgúldiń kórkemdik stıli men qoltańbasy, taqyryptary men sıýjetteri qalaı qalyptasyp, qalaı ózgergenin, tutastaı al­ǵan­da, onyń kartına áleminiń qa­laı paıda bolǵanyn kórýge bo­latyn, sonymen birge ár­daı­ym bola bermeıtin múm­kin­shilik jasaıdy», deıdi kórme je­tek­shisi Ǵalııa Álı. 

Aıgúl Hakimjanova «Ker­qula atty Kendebaı», «Danııal­dyń sıqyrly tústeri», «Narǵyz tý­raly dastan» sııaqty kóp­te­gen qazaq ertegileri men ba­la­­lar kitaptaryna arnap ta­ma­­sha ıllıýstrasııalar jasa­dy. Ekspozısııada halyq er­te­gileri men qazirgi zaman av­tor­larynyń áńgimelerine sa­lynǵan ıllıýstrasııalar men gra­fı­kalyq eskızder men etıýd­ter­di tamashalaýǵa bo­la­dy. Ár shy­ǵarma ózine tán qaı­ta­lan­baı­tyn sıqyrymen erek­she­le­nedi. Tereń oıǵa tarta túsedi. Q­yl­qalam ıesiniń «Qu­pııa­lardan tys» dep atalǵan kar­tınasynan terezege telmire qaraǵan úsheýdi kórdik.  Bul sýret úsh jetkinshektiń qı­mylyn ǵana emes, olardyń kó­ńil terezesinen kóringen ta­zalyqty ańǵartady. Bul sýret – baqyt pen úıle­si­mniń ińkár mekeni...

Arman OKTIаBR,
«Egemen qazaqstan»

ALMATY