Bıylǵy jyldyń baǵdarlamasyna kirgen fılmder alýan túrli janrlardy qamtıdy: komedııa, melodrama, ekshn jáne «Qysqa metr» baǵdarlamasy.
Qazaqstandyqtar Djonnı Hollıdeı sońǵy rólin somdaǵan, Oskar syılyǵynyń birneshe márte ıegeri Klod Lelýshtyń fılmin tamashalaıdy. Kórnekti aktrısa Izabel Iýpperdiń qatysýymen de jańa fılm júredi. Sonymen qatar Lıýk Besson prodıýserlik etken «Taksı 5» fılminiń tusaýy kesiledi. Kópshilik kútken fılm álemdik prokatqa 12 sáýir – festıvaldiń Almatydaǵy ashylýy kúni shyǵady.
Festıvalǵa fılmderdi túsirýshi fransýz kınematografısteri qatysady.
Festıvaldiń ashylýy men jabylýy, sonymen qatar negizgi kórsetilimderi ádettegideı UniFrance agenttigi jáne onyń basty áriptesteri – Fransııanyń Qazaqstandaǵy elshiligi men Almatydaǵy Fransýz alıansy uıymdastyrǵan festıvaldiń basty alańyna aınalǵan «Arman» kınoortalyǵynda ótedi.
Aınash ESALI,
«Egemen Qazaqstan».
ALMATY
