QS Agenttiginiń 2018 jyly júrgizgen derbes baǵalaý nátıjeleri boıynsha QazUÝ «QS Stars Development Road map» halyqaralyq reıtıngisiniń «Tórt juldyz» artyqshylyq belgisin Qazaqstanda birinshi bolyp ıelengen Ortalyq Azııa aımaǵyndaǵy jalǵyz ýnıversıtet boldy.
0-den 5 juldyzǵa deıingi QS reıtıngisi joǵary oqý oryndarynyń keń aýqymdy qyzmetin belgileıtin jáne ýnıversıtetterdiń joǵary halyqaralyq standarttarǵa sáıkestigin anyqtaıtyn 50-den astam kórsetkishterdi keshendi taldaý nátıjesinde anyqtalady.
QazUÝ-ge QS «Tórt juldyz» artyqshylyq belgisiniń taǵaıyndalýy ýnıversıtettiń joǵary halyqaralyq bedeli men jahandyq ǵylymı jáne bilim berý keńistiginde kóshbasshylyq orynǵa ıe ekendiginiń dáleli. Artyqshylyq juldyzdary ýnıversıtettiń myqty tustaryn kórsetedi jáne seriktester men oqýǵa túsemin deýshilerge joǵary oqý ornyn tańdaýǵa járdemdesedi.
Osylaısha, QazUÝ birqatar kórsetkishteri boıynsha «5 juldyz» ıelendi, atap aıtqanda, bilim berý qyzmetterin kórsetý, ınternasıonalızasııalaný deńgeıi, ınfraqurylym jáne ınklıýzıvti bilim berý júıesin damytý.
TMD elderinde QS-tyń tórt juldyzy tek bes ýnıversıtetke berilgendigin atap ótý qajet, olar – ál-Farabı atyndaǵy QazUÝ jáne Reseıdiń tórt ýnıversıteti.
Arman OKTIаBR,
«Egemen Qazaqstan»
ALMATY
