Aıtýynsha, jekeshelendirýdiń 2017-2018 jyldarǵa arnalǵan Keshendi josparyna sáıkes oblys boıynsha jekeshelendirýge 20 nysan qarastyrylǵan. 2017 jyly jekeshelendirýge barlyǵy 15 nysan josparlandy, onyń ishinde 7 nysan júzege asyryldy. 25,9 mln.t. 2 nysan satylyp, senimgerlik basqarýǵa 2 nysan berilse, taratý týraly sheshim qabyldanýyna baılanysty 3 nysan saýda-sattyqtan alynǵan. Qalǵan 8 nysan boıynsha qatysýshylardyń bolmaýyna baılanysty saýda-sattyq nátıjeleri ótpedi dep tanylypty. 2018 jyly joǵaryda kórsetilgen 8 nysandy esepke alýmen Keshendi josparyn tolyq júzege asyrý úshin, jekeshelendirýge 13 nysan jatady.
– Jekeshelendirý obektileriniń satý merzimderin qaıta qaraý boıynsha Úkimet tapsyrmasyn oryndaý maqsatynda oblys ákimdigimen satý kestesi men «Jol kartalary» qaıta bekitildi, onda 5 nysan keıinnen satyp alý quqyǵymen senimgerlik basqarýǵa berýge, 3 nysan aýksıon arqyly satýǵa, 1 nysan basymdyqpen satyp alý quqyǵymen satýǵa, sondaı-aq 4 nysan ekonomıka oryndylyǵy maqsatynda taratýǵa jatady, – dedi Mańǵystaý oblystyq qarjy basqarmasynyń basshysy Marına Álibekova.
2018 jylǵy 1 sáýirdegi jaǵdaı boıynsha oblystyń jergilikti bıýdjetiniń kirisi 36,2 mlrd. teńgeni nemese esepti kezeńniń josparyna 117,9% qurasa, kiris jospary barlyq aýdandar men qalalarda tolyǵymen oryndalǵan. Sondaı-aq, bólimder boıynsha kiristerdiń ósýiniń negizgi úlesi salyq túsimderimen esepke alynyp, bul jalpy tabystyń 75,5% quraǵan.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
