Basqarma basshysynyń aıtýynsha, búgingi tańda oblystaǵy oqý oryndarynda 6200 kompıýter bar. Olardyń 694-i aýystyrýdy talap etedi. Kóbi eskirgen kompıýterler jáne 1 kompıýterge 13 oqýshydan keledi.
2018 jylǵa arnalǵan jergilikti bıýdjetten bul máseleni sheshý úshin 300,0 mln. teńgege 1580 kompıýter satyp alý qarastyrylǵan. Barlyq memlekettik mektep ınternet paıdalana alady. 124 mektep (92,5%) keń jolaqty ınternetke qosylǵan.
– Qazirgi tańda mektepterdi 100% keńjolaqty ınternetpen qamtamasyz etý jumystary 2018 jyldyń mamyr aıynda aıaqtalady dep kútilýde. 134 (100%) mektep «Bilim Media Group» kompanııasynyń sıfrlyq bilim berý resýrstaryna qosylǵan. Muǵalimder men ata-analar úshin «Derek» atty azamattardyń ótinishteri elektrondyq júıelerdiń mobıldi qosymshalary engizildi. Mektepterdegi Wi-Fi qoljetimdiligi – 75%, – dedi Mańǵystaý oblystyq bilim basqarmasynyń basshysy atalmysh salanyń kompıýterlendirilýi jaıynda.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
