Sondaı-aq ol qysqa ýaqyt ishinde «Atameken» bıznestiń pikirin bildiretin ınstıtýtqa aınalǵanyn atap ótti. Jergilikti bıznestegi kúrdeli máseleler talqylanǵan otyrysta oblys ákimi Janseıit Túımebaev kásipkerlikti qoldaý baǵytynda atqarylyp jatqan jumystarǵa toqtaldy. «Elbasy Nursultan Nazarbaev aımaqtyq kásipkerlikti damytý máselesin árdaıym basty nazarda ustaıdy. Ákimshilik kedergilerdi joıý, bıznesti júrgizý boıynsha prosedýralardy jeńildetý Elbasymyzdyń áleýmettik-ekonomıkalyq bastamalaryn qoldaýdyń negizgi qaǵıdalaryna jatady. Búgingi tańda oblysta qolaıly bıznes klımat qalyptastyrýǵa, shaǵyn jáne orta kásipkerlikti damytýǵa barynsha jaǵdaılar jasalǵan. О́tken jyly ónerkásip óniminiń kólemi 858,4 mlrd teńgege jetip, ósim 102,1 paıyzdy qurady. Al óndeý ónerkásibiniń jyldyq ósimi 105 paıyzǵa jetti. Bul kórsetkishterge oblys Elbasynyń tikeleı tapsyrmasy boıynsha jańa óndiristerdiń ashylýy men jumys istep jatqan kásiporyndardy jańǵyrtý arqasynda qol jetkizildi. О́ńdeý ónerkásibiniń negizgi kapıtalyna 129,4 mlrd teńge ınvestısııa salynǵan, bul 2016 jylmen salystyrǵanda 2,4 esege ósip otyr. Bul kórsetkish boıynsha respýblıkada birinshi oryndamyz», dedi J.Túımebaev.
Keńeıtilgen otyrysta kórshi elmen shekaralas eki aýdannyń múmkindigi keńinen áńgimelendi. Bul oraıda arnaıy baıandama jasaǵan «Atameken» ulttyq kásipkerler palatasy basqarma tóraǵasynyń orynbasary Eldar Jumaǵazıev ótken jyly júrgizilgen taldaý-saraptaý jumystarynyń nátıjesine toqtaldy. Saryaǵash pen Jetisaıda júrgizilgen saýalnamalar men zertteýler barysynda bolashaqta qajetti 44 bıznes nysan anyqtalǵan. Mysaly Saryaǵashta 2 taksopark, 4 qonaqúı salýǵa bolady. Sondaı-aq E.Jumaǵazıevtiń aıtýynsha, aýdan ortalyǵynda 30% bala mektepke deıingi mekememen qamtamasyz etilmegen. Iаǵnı shamamen 8 balabaqsha salý qajet. Aýdandaǵy jumyssyzdyq kórsetkishi resmı málimetten 5 ese artyq ekeni de aıtyldy. Osy oraıda, basqarma tóraǵasynyń orynbasary Saryaǵash qalasynan joǵary oqý ornynda oqyǵan 2847 jastyń 37%-y jumyspen qamtylmaǵanyn málim etti.
Osy máselege qatysty pikirin bildirgen T.Qulybaev: «Qazaqstanda 824 kolledj bar jáne maman daıyndaýǵa jyl saıyn 107 mlrd teńge bólinedi. Úkimetpen memlekettik tapsyrys daıyndalǵanda 50%-yna bıznestiń qatysýy qamtamasyz etiledi degen kelisimge qol jetkizdik, bıznes ózderine qajetti mamandardy jáne kásiporynnan qansha qajet ekenin anyqtaıdy. Kásiptik-tehnıkalyq bilim berýde dál osyndaı tásil bilim alýshylardyń aldaǵy ýaqytta jumyspen qamtylatyndaryna senimdi bolýǵa, kásiporyndardy qajetti mamandarmen qamtamasyz etýge múmkindik beredi», dedi. Sondaı-aq T.Qulybaev jastardy kásipkerlikke mektep jasynan beıimdeý boıynsha Bilim jáne ǵylym mınıstrligimen birlese joǵary synyp oqýshylary úshin arnaıy pán engiziletinin málim etti. Bul demografııalyq ósimi joǵary Ońtústik úshin óte tıimdi ekenin jetkizdi.
Ǵalymjan ELShIBAI,
«Egemen Qazaqstan»
