Vahıd Halılhodjıchtiń qyzmetinen ketetinin Japonııa fýtbol assosıasııasynyń prezıdenti Kodzo Tasımý málimdedi. Tasımýdyń aıtýynsha, bosnııalyq mamannyń quramadan ketýine bıylǵy joldastyq kezdesýlerde quramanyń súreńsiz oıyn kórsetýi sebep bolǵan. Sondaı-aq qurama fýtbolshylary onyń oıyn tártibine ózderiniń narazy ekendigin bildirgen.
Endi Japonııa quramasynyń jańa bapkerine eki aıdyń ishinde fýtbolshylardy álem chempıonatyna daıyndaýǵa týra keledi. Halılhodjıch Japonııa quramasyn 2015 jyldan beri jattyqtyryp, eldiń bas komandasyn álem chempıonatyna shyǵarǵan edi.
Erıslandı beldikterinen aıryldy
Jeksenbi kúni kásipqoı bokstyń orta salmaq dárejesindegi (69,9 kg) WBA jáne IBO belbeýi boıynsha álem chempıony kýbalyq ataqty boksshy Erıslandı Lara IBF beldiginiń ıegeri amerıkalyq Djarrett Herdten jeńilip, eki beldiginen de aıyrylyp qaldy.
Jekpe-jek basy Erıslandı basymdyǵymen ótken-di. Onyń djeb jáne sol qolynyń soqqysy qarsylasyna nyq tıip jatty. Tipti kezdesýdiń 6-raýndynda Laranyń ıektiń astynan jasaǵan soqqysy qarsylasyn eseńgiretip tastaǵandaı boldy. Degenmen Herd tez es jıyp úlgerdi. Aıqastyń ekinshi bóligi amerıkalyq boksshynyń basymdyǵymen ótti. Sońǵy 12-raýndta Djarrett Herd kýbalyq boksshyny bir ret nokdaýnǵa jiberdi.
12-raýndqa sozylǵan jekpe-jekte tóreshilerdiń sheshimi ekige bólindi. Bir tóreshi 114-113 upaımen jeńisti Laraǵa berse, eki tóreshi dál sondaı eseppen Herd jeńiske jetti dep eseptegen. Sóıtip Djarrett Herd IBF beldigine WBA jáne IBO belbeýin qosyp aldy.
Jeńis tuǵyrynda – kileń afrıkalyqtar
О́tken demalys kúnderi Eýropanyń birneshe qalalarynda marafon jarysy ótti. Kópshilik jankúıerdiń nazary Mılanda ótken júgirýge aýǵany belgili. О́ıtkeni álemniń eń myqty marafonshylary Italııada saıysqa tústi.
Bir qyzyǵy, marafon jarysynyń júldeli úsh ornyn da afrıkalyq jelaıaqtar ıelendi. Erler arasyndaǵy saıysta jarys jolyn eki saǵat toǵyz mınýtta júgirip ótken efıopııalyq Seefý Týran jeńimpaz atandy. Ekinshi oryndy kenııalyq Iýstas Kımýtaı Kıpkosgeı ıelendi. Ol jeńimpazdan bir mınýtqa artta qalyp qoıdy. Úshinshi oryn taǵy bir kenııalyq Barnabas Kıptýmǵa buıyrdy. Onyń nátıjesi – 2:10.17.
Al qyzdar arasyndaǵy marafonda da alǵashqy úsh oryndy kenııalyq sportshylar jeńip aldy.
Daıyndaǵan
Álı BITО́RE,
«Egemen Qazaqstan»
