Qazir jer-jerlerde shaǵyn jáne orta bıznes ókilderi tarapynan tıisti qujattardy jınap, rásimdeý jumystary qyzý óris alǵan. Olardyń aldy qarjy uıymyna ótinishterin ótkizip te qoıypty. Jyldyq paıyzy tómen shaǵyn nesıeniń basym bóligi mal sharýashylyǵyn órkendetýge baǵyttalmaqshy.
«Aýyl sharýashylyǵyn qarjylaı qoldaý qory» AQ oblystyq fılaıaly 2013 jyldan beri aýyl turǵyndary men aýyl sharýashylyǵy taýaryn óndirýshilerdi nesıelendirýmen aınalysady. Osy merzim ishind 3 myńdaı adam 9 mıllıard teńgeniń zaemyn resimdegen.
«2017 jyly «Nátıjeli jumyspen qamtý jáne jappaı kásipkerlikti damytý» jobasy aıasynda 700 teriskeılik 2 mıllıard teńgege qarjylandyryldy. Bıyl el qazynasynan 1 mıllıard teńge bólinip otyr. Shart boıynsha 19 mıllıon teńgege deıin nesıe alýǵa bolady», deıdi dırektordyń orynbasary Aıdar Tóleev.
«Jan» sharýa qojalyǵynyń jetekshisi Aqsholpan Ramazanova qarjy uıymynyń kómegine 3 ret júginipti. Alǵashqyda eginshilik jáne mal sharýashylyǵyn órkendetýge nesıe alsa, bul joly etti baǵyttaǵy iri qara malyn ósirýdi jón kórgen. Onyń aıtýynsha «Prezıdenttiń bes áleýmettik bastamasynda» jeńildetilgen nesıe berýdiń tıimdi tetikteri jan-jaqty oılastyrylǵan.
Bıyl kásipkerlerdiń 68 paıyzy iri qara mal alýǵa ótinish bildirgen. Qalǵandary ósimdik jáne basqa da salalarmen shuǵyldanbaq.
О́mir Esqalı,
«Egemen Qazaqstan»
Soltústik Qazaqstan oblysy
