Qyzdar Ýnıversıtetiniń qabyrǵasynda tuńǵysh ret uıymdastyrylyp otyrǵan jıynǵa sheteldik jáne otandyq joǵary oqý oryndarynyń stýdentteri, magıstranttary men doktoranttary qatysty.
Ǵylymı jumys jáne ınnovasııa jónindegi departament marafondy Memleket basshysy Nursultan Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasy aıasynda elimizdegi izdenýshilerdiń shyǵarmashylyq qabiletin shyńdaý úshin ótkizip otyr.
Is-sharanyń basty maqsaty – jas ǵalymdardyń jasampazdyq áleýetin damytý, olardy zamanaýı ǵylymnyń mańyzdy máselelerin sheshýge belsendi túrde tartý, ǵylymı-pedagogıkalyq bilim berý keńistigin damytý. Sonymen qatar, izdenýshilerdiń ózara baılanys ornatýlaryna, tájirıbe almasýlaryna yqpal jasaý.
– Jastardyń shyǵarmashylyq, ǵylymı-zertteý jumystaryn nasıhattaý men ony keń kólemde jarııalaýda, olardyń tulǵalyq damýdyń tásili retindegi jobalyq zertteý is-áreketterine tartýda jáne bilim berý úrdisiniń tıimdiligin kóterý men qoldanbaly ǵylymǵa degen qyzyǵýshylyqtaryn damytýda osy taqilettes jıyndardyń mańyzy zor, – deıdi shara uıymdastyrýshylary.
Ǵylymı marafon jumysy «Fılologııalyq ǵylymdar jáne álemniń ulttyq beınesi», «Elimizdegi jáne álemdegi pedagogıka jáne psıhologııa: qazirgi teorııa jáne tájirıbe», «Qazaq qoǵamynyń sanasyn jańǵyrtý úderisindegi áleýmettik-gýmanıtarlyq bilim», «Jaratylystaný ǵylymdary: ınnovasııalyq tehnologııalar men ıdeıalar», «Sıfrlyq Qazaqstan: fızıka-matematıka ǵylymdarynyń jańa serpilisi» jáne «Jahandyq álemdegi qazaqstandyq mádenıet» seksııalary boıynsha júrgizildi. Atalǵan seksııalarǵa barlyǵy 175 ǵylymı jumys kelip túsken.
Jıynnyń plenarlyq májilisinde Shákárim atyndaǵy Semeı memlekettik ýnıversıtetiniń stýdenti A. Nurmuhamet «Manıpýlıasııalyq máselelerdi basqarý jáne koppıng strategııalar», Túrkııanyń О́mer Halısdemır ýnıversıtetiniń doktoranty I. Ikbal «Qazaq, túrik tilderindegi lıngvıstıkalyq termınder máselesi», Qazaq memlekettik qyzdar pedagogıkalyq ýnıversıtetiniń magıstranty A. Romanenko «Issledovanıe samoosenkı deteı mladshego shkolnogo vozrasta», Qazaq memlekettik qyzdar pedagogıkalyq ýnıversıtetiniń stýdenti M. Káribjan «Qazaqstan-2050 strategııasynyń áleýmettik máni», Qazaq memlekettik qyzdar pedagogıkalyq ýnıversıtetiniń stýdentteri J. Baımenova, S. Mádenıetova «Júgeriniń «Turan-480» sortynyń ónýine jáne bıoparametrlik kórsetkishine aýyr metaldardyń áseri», Qazaq memlekettik qyzdar pedagogıkalyq ýnıversıtetiniń stýdenti Z. Jylqyshybaeva «Kompıýterlik júıeler kıber shabýyldar obektisi retinde», Qazaq memlekettik qyzdar pedagogıkalyq ýnıversıtetiniń stýdenti M. Oryntaeva «Básekege qabiletti maman daıarlaýda mýzyka muǵalimniń «Fınal» mýzykalyq-kompıýterlik baǵdarlamasyn qoldaný múmkindikteri» jáne atalǵan oqý ornynyń stýdenti G. Baqytbek «Mektep sabaqtarynda oqýshylardy kóp tildilikke baǵyttaý» taqyryptarynda baıandama jasady.
Shara aıasynda arnaıy stendtik baıandamalar men jas ınovatorlar kórmesi uıymdastyryldy. Marafonǵa kelip túsken materıaldar negizinde arnaıy jınaq shyǵarý kózdelip otyr. Bul óz kezeginde elimizdegi izdenýshi jastarǵa, ǵylymı jumystarmen aınalysatyn ǵalymdarǵa jáne ınnovasııalyq damý strategııasyn josparlap, júzege asyrýshylar úshin mańyzdy teorııalyq jáne ádistemelik kómekshi qural bolmaq.
