Jumys sapary barysynda birqatar ónerkásiptik nysandardy aralaý josparlanǵan. Bul —«Ulttyq ındýstrııalyq munaı-hımııa tehnoparki» arnaıy ekonomıkalyq aımaǵynda ornalasqan polıetılen jabyndar shyǵaratyn zaýyt pen gaz týrbınaly elektr stansasy; «Aqtóbe — Atyraý — Astrahan» avtojolynyń bir bóligi bolýy tıisti Oral ózenindegi kópir; «Sıfrlyq Qazaqstan» jobasy aıasynda júzege asyrylyp jatqan «Embimunaıgaz» AQ-daǵy zııatkerlik ken orny.
Baqytjan Saǵyntaev «SP Saraıshyq» JShS mal sharýashylyǵy keshenine barady, onda AО́K damytýdyń memlekettik baǵdarlamasynyń iske asyrylý barysymen jáne aýyl sharýashylyǵy kásipkerligin damytý boıynsha qabyldanyp jatqan sharalarmen tanysady.
Atyraý oblysynyń stýdent jastarymen kezdesýde Prezıdenttiń bes áleýmettik bastamasyn júzege asyrý máseleleri, atap aıtqanda, bilim alýdyń qoljetimdiligin arttyrý jáne stýdentterdiń jataqhanadaǵy jaǵdaılaryn jaqsartý máseleleri talqylanady.
Oblystyń densaýlyq saqtaý júıesiniń qyzmetkerlerimen kezdesý ótkizý josparlanǵan. Munda salany qaıta retteý, MJÁ tetigi arqyly jekemenshik medısınalyq qyzmetter sektoryn damytý jónindegi sharalar qaralatyn bolady.
Oblysty áleýmettik-ekonomıkalyq damytý, 2018 jylǵa arnalǵan óńir ekonomıkasynyń damýyna arnalǵan maqsatty kórsetkishterge qol jetkizý, shaǵyn nesıe berýdi kóbeıtý jáne kásipkerlikti damytý máseleleri oblystyń jumys aktıvimen jáne bıznes ókilderimen kezdesýde talqylanady.
Esterińizge sala keteıik, bul bıylǵy jylǵa el óńirleri boıynsha úshinshi jumys sapary. Buǵan deıin Baqytjan Saǵyntaev Ońtústik Qazaqstan jáne Qyzylordaoblystaryna jumys saparymen baryp qaıtty.
