Tóralqa tóraǵasy óz sózinde 2013-2017 jyldar aralyǵynda bıznesti qorǵaý boıynsha 22 myńnan astam aryz túskenin aıtty. Kásipkerlerdiń 92 mıllıard teńgeden astam múliktik quqyqtary qorǵalǵan. 20 myńnan astam zań jobalaryna saraptama júrgizilip, 6500-deıi eskerilgen. Salyq kodeksine áleýmettik salyqtyń mólsherlemesin azaıtý týraly ózgerister engizilip, bıznestiń júktemesi jeńildetilgen.
«Bastaý» jobasyna jasalǵan bastamashyldyqtar keń qoldaý tapqan. Jobanyń sheńberinde jumyssyz jáne ózin-ózi jumyspen qamtyǵan adamdar qalalar men aýdandarda bıznespen aınalysýǵa tartylǵan. Byltyr 15 myń jumyssyz jáne ózin-ózi jumyspen qamtyǵan qazaqstandyqtar kásipkerlik bilim shyqty. Nátıjesinde 3,3 myń qatysýshy óz bıznesin ashyp keńeıtti. Soltústik Qazaqstan oblysy boıynsha 937 adam qatysty.
Kezdesý barysynda Soltústik Qazaqstan oblysy kásipkerler palatasynyń dırektory Darhan Qalıev 2017 jyldyń jumys qorytyndylaryna toqtaldy. О́ńirdiń 27,6 myń ShOB sýbektilerinde 101,3 myń adam jumys isteıdi. 9 aıda 323,6 mıllıard teńgeniń ónimderi shyǵaryldy. Bıznestiń 100 mıllıon teńgeden astam zańdy múddeleri qorǵaldy. Halyqtan 16 myń tonna sút satyp alynyp, óńdeý kásiporyndaryna ótkizildi.«Aýyl sharýashylyǵyn qarjylaı qoldaý qory» AQ arqyly aýyl sharýashylyq kooperatıvteri 1,1 mıllıard teńgege qarjylandyryldy
Jergilikti kásipkerler keńesiniń keńeıtilgene otyrysynda júıeli túrde sheshimin tabýy tıis ózekti máseleler de ortaǵa salyndy.
О́mir ESQALI,
«Egemen Qazaqstan»
Soltústik Qazaqstan oblysy
