Brıfıngte Astana IID ákimshilik polısııasynyń kapıtany Tımýr Baıkenjıev: «Osy jyly Astananyń sol jaǵalaýynda 47 km velojol paıda bolady. Velojol Qabanbaı batyr dańǵyly boıynsha, Máńgilik el, Rysqulov, Qarqaraly tas joly men Qonaev, Dostyq, Maqataev jáne Esil ózeni jaǵalaýyn boılaı salynady. Jalpy joba bes kezeń boıynsha iske asyrylady, 2022 jylǵa deıin 1717 km velojol salý josparlanyp otyr», dep habarlady.
Velosıped joly Úrker TK qarama qarsy Qorǵaljyn tas joly (4 km) men Turan dańǵyly boıynsha Kereı, Jánibek handar kóshesi jáne Dostyq kóshesi aralyǵynda (2,9 km) salynady.
Ákimshilik polısııa qyzmetkerleri velosıped jolaǵy negizgi jol júretin arnaıy belgiler men jol belgileriniń jolaq qozǵalysynan bólek bolatynyn eskertýde.
Velosıpedısterge de basqa jol júrgizýshileri sııaqty belgili talaptar taratylady. «Velosıpedshiler velosıped jolaǵy boıynsha júrýi kerek, al oń jaqtaǵy jol boıynsha onyń ishinde marshrýtty transport jolaqtarymen, nemese shetpen, trotýarmen, jaıaý jol júrginshileri boıynsha basqalarǵa qaýip týdyrmaýy shart», dedi T. Baıkenjıev.
Onyń ústine, velosıpedshiler bir qatarmen qozǵalýy tıis. Eger top arasynan basyp ozǵysy kelse araqashyqtyǵy 80 nemese 100 metrden aspaýy qajet.
«Velosıped ıesine biraz mindettemeler artylady. Ereje buzǵan jaǵdaıda QR ÁQBtK 615 baby boıynsha jaýapkershilikke tartylady. Velosıpedısterge qatysty taǵy bir ákimshilik akt, ol ereje buzǵanyna qaraı 2-den 20 AEK aıyppul salynady», - dedi ákimshilik polısııa kapıtany.
