Dáriger kadrlarynyń jetimsizdigi oblysta ótkir máselege aınalǵan. Qazir densaýlyq saqtaý salasynyń memlekettik sektorynda 15459 adam qyzmet isteıdi, sonyń 1816 joǵary bilimdi dárigerler, 6462 orta býyn medısına qyzmetkerleri. 2018 jyldyń 1 qańtarynda dáriger mamandarmen qamtamasyz etý kórsetkishi ár 10 000 turǵynǵa shaqqanda 20,66 dárigerden keledi eken. Al orta býyn medısına qyzmetkerlerimen qamtamasyz etý kórsetkishi ár 10 000 adamǵa 73,5 keledi.
«Oblysta bilikti mamandardy tartýǵa arnalǵan jumystarǵa qaramastan kadr tapshylyǵy mańyzdy másele kúıinshe qalyp otyr. Qazir oblysta 275 dáriger jetispeıdi. Onyń 74-i aýyldy jerlerge kerek» dedi oblystyq densaýlyq saqtaý basqarmasynyń basshysy Erkin Dáýitbaev.
Oblys ákimi Arhımed Muhambetov dáriger mamandarmen qamtaasyz etý máselesin sheshýdiń joldaryn izdestirý kerektigin aıtty.
«Búgin oblystyq aýrýhanany aralaǵanda anestezıolog, taǵy basqa mamannyń jetispeıtindigin estidim. Oblystyq aýrýhanada dáriger jetispegende, aýyldyń jaǵdaıy qalaı bolmaq? «Dıplommen aýylǵa» baǵdarlamasyna taǵy da qosymsha protokol engizý kerek. Árbir aýdan qajetti jas mamandardy tartyp, olardy qamtamasyz etý kerek» dedi Arhımed Begejanuly.
Názıra JÁRIMBET,
Egemen Qazaqstan»
Qostanaı
