33-týrda basty nazar osy eki klýbtyń oıynynda boldy. «Iýventýs» «Napolıden» 6 upaı ozyp shyǵyp, arqasyn keńge salyp júrgen. Kezekti kezdesýde de «qart senoraǵa» anaý aıtqandaı tónip turǵan qaýip joq edi. Qarsylasy «Krotone» ilinip-salynyp júrgen aýtsaıderdiń aýtsaıderi. Alaıda, sol osal komandamyzdyń ózi aıaqasty túlep shyǵa keldi. 17-mınýtta Aleks Sandro esep ashyp, Massımılıano Allegrı komandasy alǵa shyqty. Bir gol soǵyp, artyq kúshin jumsamaıtyn, shabýylǵa sarań keletin týrındikter kezdesýdiń 65-mınýtynda alań ıelerinen baıqaýsyzda gol jiberip aldy. Qalǵan 25 mınýttyń ishinde «Real» qaqpasyna «Bernabeýde» 3 gol soqqan «Iýventýs» túk bitire almady. Aınalsoqtap qaıta-qaıta shabýyldaǵanymen, naqty golǵa qoly jetpedi. «Iýventýs» 1 upaı aldy degennen góri, 2 upaı joǵaltty deýge týra keledi.
Al onyń basty básekelesi «Napolı» ázer degende tyǵyryqtan jol taýyp ketti. О́z alańynda «Ýdınezeden» 2 gol jiberip, jeńilip jatty. Qonaqtar birinshi taımda esep ashyp edi, der kezinde Insıno jaýap qatty. «Ýdıne» ekinshi golyn soqqannan soń da, Maýrısıo Sarrıdiń komandasy tarazy basyn teńestirdi. Oıynnyń sońyna qaraı Arkadıýsh Mılık pen Lorenso Tonellıdiń soqqan qos goly «Neapol» jankúıerleriniń mańdaıynan ashy terdi bir súrtti. Áıtpegende, chempıondyqtyń aýyly alystaı túser me edi? Endi «Napolı» «Iýventýstyń» jaza basqanyn kútetin bolady.
Aıta keteıik, 22 sáýir kúni bolatyn týrda «Iýventýs» pen «Napolı» kezdesedi. Osy matchtyń taǵdyry bıylǵy chempıondyqqa tikeleı áser etpek.
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
Týrnırlik keste |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
