Almaty oblysynda IIM TJK-nyń «Qazseldenqorǵaý» MM gıdrobeketiniń baıqaýshylary kóshkin qaýpi bar ýchaskelerdi tekserý barysynda taý jynystarynyń qozǵalǵanyn anyqtady. . Taý jynystarynyń jyljýy Kólsaı kóli jaǵyndaǵy baǵytta baıqaldy. Osy oraıda kezekshilik uıymdastyrylyp, mamandar tartyldy. Qurylystardyń buzylýy oqıǵalary men zardap shekkender tirkelgen joq.
«2018 jyldyń 19 sáýirinde Almaty oblysynda QR IIM TJK-nyń «Qazseldenqorǵaý» MM gıdrobeketiniń baqylaýshylary kóshkin qaýpi bar ýchaskelerdi tekserý barysynda Kegen aýdany aýmaǵynda taý jynystarynyń ornynan kóshkenin anyqtady. Buryn baıqalǵan kóshkin oshaǵynyń qaıta qozǵalýyna jaýyn-shashyn men seısmıkalyq jaǵdaı áser etti», - dep atap ótti IIM Tótenshe jaǵdaılar komıtetiniń resmı ókili Rýslan Imanqulov.
Taý jynystary Saty aýyly men Kólsaı kóli jolynyń 400 metr aralyǵyn, sondaı-aq 4 elektr baǵanyn basyp qalǵan. Kólsaı kólderindegi demalys aımaǵy elektr qýatynsyz qaldy. Sonymen qatar maýsymdyq merzimde paıdalanatyn shaǵyn úı nysany qaýipsiz jerge kóshirildi. «Baqylaý sharalary jalǵasýda. Kezekshilik uıymdastyrylyp, jedel shtab quryldy, sondaı-aq Tómengi Kólsaı kóline qaraı qozǵalysqa shekteý engizildi», - dedi R.Imanqulov.
Kezekshilik jasaqtalyp, arnaıy shtab quryldy. Tómengi kólge qaraı joldar jabyldy. Oqıǵa ornynda Almaty oblystyq TJD basshysy, Almaty oblystyq TJD jedel áreket etý toby, jergilikti atqarýshy organdar, AIIB qyzmetkerleri, prokýratýra, "Qazseldenqorǵaý" MB, "Kólsaı kólderi" ulttyq parkiniń qyzmetkerleri bar. Qaza tapqandar men zardap shekkender joq.
Qalmahanbet Muqametqalı,
«Egemen Qazaqstan»
