Is-sharaǵa Aqparat jáne kommýnıkasııalar mınıstri Dáýren Abaev, Ońtústik Shyǵys Azııalyq iri ınvestorlar men joba tálimgerleri, otandyq IT-kompanııalardyń basshylary qatysty. Jıynda sóz alǵan mınıstr Dáýren Abaev sıfrlyq tehnologııany qoldaný arqyly qurylatyn jańa ındýstrııalardy órkendetýde jastardyń orny erekshe ekenin atady.
– О́zderińizge málim, búginde Qazaqstanda aqparattyq texnologııalardy damytý sharalaryna aıryqsha kóńil bólinip keledi. Sıfrlyq ınfraqurylymdy damytý maqsatynda «Sıfrlyq Qazaqstan» atty arnaıy memlekettik baǵdarlama da qabyldandy. Tıisti ınfraqurylym jáne salyq jeńildikterin, ońaılatylǵan vıza men eńbek rejimin oılastyra otyryp, atalǵan qujatty bir jarym jyl boıy talqyladyq. Ekonomıkany sıfrlandyrýǵa barynsha kúsh salsaq, Qazaqstan múldem jańa deńgeıge kóteriledi. Dál osy jerde otyrǵan jastar «Smart Zholy» sııaqty jobalar arqyly tájirıbe jınap, atalǵan baǵdarlamany iske asyratyn bolady. Ol úshin barlyq jaǵdaılar jasalǵan, – dedi mınıstr Dáýren Áskerbekuly.
Konferensııaǵa qatysqan sıngapýrlyq venchýrlyq ınvestorlardan turatyn arnaıy qazylar alqasy jobalardy qarastyryp, «Nommi», «OKauto», «Game of drones», «AILabs», «Neupusti» jáne «KazMotors» atty alty jobany tańdap aldy. Bul startaptar bilim berý, týrızm, kólik, kıbersport, jasandy ıntellekt sııaqty salalardy qamtıdy. Osy rette sóz alǵan Echelon Asia Summit (Sıngapýr) kompanııasynyń negizin birlesip qalaýshysy Tedıýs Ko jeńimpaz toptardy quttyqtady.
– Biz qazaqstandyq startaptardy Sıngapýrde jáne Ońtústik Shyǵys Azııa elderindegi Echelon Asia sammıtterinde qabyldap júrmiz. Qazaqstandyq komandalardyń áleýeti joǵary», - dep atap ótti Tedıýs Ko.
Tańdalǵan úzdik jobalardyń biri – «OKauto» baǵdarlamasynyń negizin qalaýshy Álı Shaıhıslamnyń aıtýynsha, atalǵan mobıldi qosymsha arqyly kólik ıeleri aıyppul somasy men sebebi týraly aqpardy elektrondy túrde biledi ári bank kartasy arqyly onlaın tólem jasaı alady. Búginge deıin baǵdarlamany elimizde 100 myńnan astam adam turaqty qoldanyp keledi.
«Jýyrda reseılik Mail.Ru Group sarapshylary bizdiń jobamyzdyń qunyn 300-500 mıllıon rýblge baǵalady. Bul bizdi odan saıyn yntalandyra tústi. «Smart Zholy» baǵdarlamasy arqyly jobamyzdy álemdik naryqqa shyǵarýǵa múmkindik aldyq», deıdi Álı Shaıhıslam.
2017 jyly bastalǵan «Smart Zholy» jobasynyń alǵashqy kezeńi Astana, Almaty, Qaraǵandy, Pavlodar qalalarynda ótkizilgen bolatyn. Bıyl ótip jatqan ekinshi kezeńge elimizdiń 16 qalasy atsalysty. Fınalǵa ilikken 20 úzdik top halyqaralyq tájirıbeli kásipkerlermen birlese otyryp jobalaryn ary qaraı damytatyn bolady.
Qazaqstandyq startaptardyń tiri ekojúıesin qurý aldaǵy onjyldyqtarǵa eseptelgen mindet bolyp otyr. Sheteldik kásipkerler men tehnologııalyq mamandar – jergilikti startaptardyń ekojúıesin damytýda ózine tán noý-haýdyń qaınar kózi. Echelon Asia sammıti Azııanyń tehnologııalyq ekojúıesi resýrstaryn damytý maqsatynda 2007 jyldan beri ótkizilip kele jatqan iri platforma. Túrli bıznes-konferensııalar men kórmelerdiń basyn qosatyn sammıtke bıyl álemniń 30 elinen 5 myńnan astam kóshbasshylar qatysady. Bul rette ulttyq sıfrlandyrý baǵdarlamasyn sátti iske asyra bilgen Sıngapýr memleketiniń tájirıbesi, sondaı-aq kásipkerlik, basqarý tehnologııalary – sheteldik mamandar bólisýge qabiletti barlyq jetistikteri – elimizdegi startap ındýstrııasyn qalyptastyrýdy jedeldete túspek.
Aıa О́MIRTAI,
«Egemen Qazaqstan»
