B. Beknazarov Qazaqstan Norvegııany Eýropadaǵy mańyzdy saıası ári ekonomıkalyq áriptesi retinde qarastyratynyn atap ótti. Bizdiń elimiz barlyq baǵyttaǵy ekijaqty baılanystardy, onyń ishinde zań shyǵarý organdarynyń ózara is-qımyly aıasyndaǵy yntymaqtastyqty nyǵaıtyp keledi. Senat Tóraǵasynyń orynbasary norveg jaǵymen parlamentaralyq únqatysý aıasynda baılanystardy damytýǵa yqylas bildirdi.
B. Beknazarov Qazaqstannyń saıası ómirindegi Senattyń róli, sondaı-aq Prezıdent N. Nazarbaevtyń strategııalyq josparlaryn zańnamalyq turǵyda qamtamasyz etýdegi depýtattardyń jumysy týraly Norvegııa delegasııasyn habardar etti. Memlekettik ınstıtýttardy jańǵyrtý, energııalyq turǵyda tıimdi ekonomıka qalyptastyrý, ómirdiń joǵary deńgeıi men azamattardyń áleýmettik qorǵalýyn qamtamasyz etý jónindegi mindetterge erekshe nazar aýdaryldy. Osyǵan baılanysty ekonomıkany, ekologııany jáne áleýmettik ómirdi retteý salasyndaǵy norveg tájirıbesi Qazaqstandy qyzyqtyryp otyr.
B. Beknazarovtyń pikirinshe, energetıka, ekologııa jáne tabıǵı resýrstardy ıgerý salasynda birlesken jobalardy iske asyrý men tájirıbe almasý úshin aýqymdy múmkindikter ashylýda.
Senat Tóraǵasynyń orynbasary eki eldiń jahandyq ıadrolyq qaýipsizdik jónindegi ustanymdarynyń jaqyndyǵyn jáne Qazaqstanda MAGATE aıasyndaǵy tómen baıytylǵan ýran bankiniń ashylýyna donorlardyń biri retinde Norvegııanyń qatysqanyn atap ótti.
Norveg parlamentshileri óz elderiniń osy aımaqtaǵy mańyzdy áriptesi Qazaqstan ekenin atap ótti jáne bizdiń elderimizdiń kópjaqty ózara is-qımylyn odan ári nyǵaıtýǵa senimderin bildirdi.
A. Hıýtfıld BUU Qaýipsizdik Keńesindegi turaqty emes múshesi retindegi Qazaqstannyń belsendi áreketin, jahandyq ıadrolyq qarýsyzdaný men Sırııa shıelenisin retteýdegi Astananyń úlesin joǵary baǵalady.
Júzdesýge Senat depýtattary Bekmyrza Elamanov, Erbolat Muqaev jáne Májilis depýtaty Darhan Myńbaı qatysty.
