Jergilikti jazýshynyń avtorlyq keshine Qazaqstan Jazýshylar Odaǵy basqarmasy tóraǵasynyń orynbasary Mereke Qulkenov, jazýshy-dramatýrg Dýlat Isabekov jáne M.Shúıinshálıeva shyǵarmashylyǵyn zerttegen ǵalym, M.Áýezov atyndaǵy ádebıet jáne óner ınstıtýtynyń bas ǵylymı qyzmetkeri, fılologııa ǵylymdarynyń doktory, professor Gúljıhan Orda arnaıy kelipti. Meımandar men mereıtoı ıesin arnaıy qabyldap, qurmet kórsetken Batys Qazaqstan oblysynyń ákimi Altaı Kólginov óńirdegi ádebıettiń damýy, shyǵarmashylyq orta týraly da oı bólisti.
Mıra Hamzaqyzynyń shyǵarmashylyq keshi teatr foıesindegi kitap kórmesinen bastaldy. Keshtiń alǵashqy bóliginde avtordyń «Shúberek qýyrshaq», «Úsh tómpeshik», «Qaýyrsyn gúl», «О́kinish», «Tuıaq», «Taqsyret» shyǵarmalarynan jas oqyrmandar – qazaq teatrynyń artısteri men stýdentter monolog oryndady. Osy keshte avtordyń «Ar azaby» atty jańa kitabynyń tusaýy kesildi.
– Qazirgi qazaq ádebıetinde proza janryna qalam tartyp júrgen qyzdar saýsaqpen sanarlyq. Shárbaný Qumarova, Shárbaný Bısenovalardyń sońynan erip kele jatqan jazýshy qyzdardyń biri osy – Mıra Shúıinshálıeva. Mıra Shúıinshálıevany qazirgi qazaq ádebıetiniń beldi ókili deýge bolady. Qalamgerdiń shyǵarmalarynan qazir ózimiz ómir súrip jatqan kezeńdegi zamandastarymyzdyń qıly taǵdyryn kórýge bolady. Ádebıette qalyptasqan ar ilimi – Mıra shyǵarmalarynyń negizgi ózegi. Buǵan deıin jaryq kórgen shyǵarmalaryndaǵy kez kelgen keıipkerin alyp qarasańyz da, tusaýy kesilgeli otyrǵan «Ar azaby» jınaǵyna engen shyǵarmalarynyń negizgi keıipkerleriniń bári de ar azabynan ótken, ar sotynda óz jaýapkershiligin kótere bilgen keıipkerler, - deıdi ǵalym Gúljıhan Orda.
Keshte Mıra Hamzaqyzy oqyrmandarynyń saýaldaryna jaýap berip, óziniń keleshek shyǵarmashylyq josparlarymen bólisti.
Qazbek QUTTYMURATULY,
«Egemen Qazaqstan»
Batys Qazaqstan
Sýretti túsirgen Aıbatyr NURASh
