Qytaıda týyp-ósip, sońǵy dámin tarıhı atajurtynda tatqan qalamgerdiń qazaq rýhanııatynyń qorjynyna salǵan qazynasy az emes. Oǵan osy jolǵy kóptomdyqtyń ózi kýá. О́tken jyly ǵana Zeınolla Sánik pen onyń qyzy Janat Zeınollaqyzy birlesip jazǵan ulttyq bolmys pen qazaq halqynyń shyǵý tarıhyn keń kólemde qamtıtyn «Qazaq etnografııasy» kitaby jaryq kórgen bolatyn. Bul joly oqyrman qaýymǵa jalpy sany 20 kitaptan turatyn kóptomdyq usynyldy. Onyń ekeýi Shəmshabaný Hamzaqyzynyń óleńder jınaǵy bolsa, qalǵany túgel Zeınolla shyǵarmashylyǵy.
Jıynda kitaptyń betashar lentasyn qıǵan akademık Seıit Qasqabasov qalamgerdiń naqty derekter, shynaıy oqıǵalar negizinde jazylǵan shyǵarmalar arqyly qazaq rýhanıtyna súbeli úles qosqanyn aıta kelip, «bul eńbekti ərmen qaraı ǵylymı aınalymǵa engizý kerek», – dedi. Professor Serik Negımov qalamger shyǵarmalaryndaǵy tarıhı obrazdar, ədebı-kórkemdik erekshelikterge basa nazar aýdaryp, naqty mysaldarmen dəleldi pikirlerin ortaǵa saldy. Al tarıh ǵylymdarynyń doktory, professor Jambyl Artyqbaev «Zeınolla Səniktiń eńbekteri – etnograftar úshin óte paıdaly rýhanı qazyna. О́ıtkeni, ol kisi shejire men dəstúrdi jaqsy bilgen. Aldaǵy ýaqytta Z.Səniktiń eńbegi negizinde 2 tomdyq «Qazaq etnografııasy» oqýlyǵyn shyǵaryp, ǵylymı aınalymǵa engizip, stýdent-magıstrlerge oqytýdy josparlap otyrmyz», – dedi. Qalamger shyǵarmashylyǵynyń nátıjesi de osy shyǵar bálkim. Fılologııa ǵylymdarynyń doktory, professor Dúken Məsimhanulynyń «Zeınolla Sənik qazaq folklory men tarıhyn tereń bilgen, kónekóz shejireshilerden kóp dúnıeni kókeıge túıip, qaǵazǵa túsirgen, muraǵattardan jınaǵan dúnıeleri men japaly eńbeginiń jemisi retinde osy kitaptar jaryq kórdi. Onyń ərbir shyǵarmasy qazaq rýhanııatyna olja salatyn som-som dúnıeler. Tutas ınstıtýt qyzmetkerleri jabylyp jasaıtyn jumysty bir ózi istegen», – deýi de qalamger eńbegine berilgen artyq baǵa emes.
Ulttyq akademııalyq kitaphananyń qoldaýymen «Zeınolla Sənik atyndaǵy mədenıet qory» uıymdastyrǵan sharany belgili aıtysker aqyn Serikzat Dúısenǵazın júrgizdi. Jıyn sońynda Aqyn Shəmshabaný Hamzaqyzy sóz sóılep, jastardyń ult mádenıetine, ǵylymǵa baýlý kerektigin aıtyp, jınalǵan qaýymǵa alǵysyn bildirdi.
Ularbek NURǴALYMULY,
«Egemen Qazaqstan»
