Qazaq ádebıetiniń búgini men bolashaǵyna beıjaı qaramaıtyn azamattar bastap uıymdastyrǵan «Altyn qalam» ádebı báıgesi 2009 jyldan beri ótkizilip keledi. Onyń birden-bir ereksheligi, avtory kórsetilmeı saıtqa salynǵan shyǵarma oqyrman talqysyna túsip, oqylym, daýys jınaýyna baılanysty iriktelip, júldeger anyqtalady.
Konferensııa aıasynda byltyr «Jyldyń úzdik prozasy» atalymy boıynsha jeńimpaz atanǵan Maqsat Qarǵabaıdyń «О́mirdiń ózi» atty kitabynyń jáne «Alashoradanyń 100 jyldyǵy» atalymy boıynsha júldeli bolǵan Ámirjan Álpeıisovtiń «Ana júregi» men Aqylbek Shaıahmettiń «Sýyq jel» atty eńbekteri biriktirilgen «Alashorda» atty kitaptyń betashary boldy.
«Baıqaýdy bıyl jetinshi ret uıymdastyryp otyrmyz. «Altyn qalam-2018» júldesi talantty jas qalamgerlerge ózin tanytýǵa jol ashady dep oılaımyz. Jyl ótken saıyn qatysýshylar qatary kóbeıip keledi, buǵan árıne qýanamyz. Bul búgingi tańdaǵy qazaq ádebıetiniń damyp kele jatqanyn, óz qoltańbasy qalyptasqan jańa qazaqstandyq avtorlardyń tanyla bastaǵanyn ańǵartady», dedi baıqaýdy uıymdastyrýshylardyń biri Kenje Jumanuly.
Atalǵan báıgede oqyrmandar bıyl tómendegi atalymdar boıynsha daýys beredi:
1. Jyldyń úzdik poezııasy.
2. Jyldyń úzdik prozasy.
3. Daraboz. Jyldyń úzdik balalar jáne jasóspirimder shyǵarmasy.
4. Esenjol Dombaev atyndaǵy jyldyń úzdik satırasy.
5. Jyldyń úzdik fantastıka jáne detektıv shyǵarmasy.
6. Jyldyń úzdik kınossenarııi jáne dramatýrgııasy.
7. Qazaq ádebıetine qosqan eleýli eńbegi úshin.
8. Esenqul Mamanuly atyndaǵy syılyq.
Esenqul Mamanuly atyndaǵy bas júlde – 1 000 000 teńge qazaq tilinde jazylǵan úzdik romannyń avtoryna beriledi. Sonymen qatar balalar ádebıetine arnalǵan «Daraboz» baıqaýynyń jeńimpazyna 1 000 000 teńge beriledi. О́zge atalym jeńimpazdaryna da aqshalaı syılyq tabystalady.
Uıymdastyrýshylardyń aıtýynsha, qarjylaı syılyqtardy «ZHERSU» ınvestısııalyq-óndiristik korporasııasynyń jetekshisi Baýyrjan Ospanov taǵaıyndap otyr eken.
«Altyn qalam-2018» ádebı júldesine shyǵarmalar qyrkúıektiń 15-ine deıin qabyldanady. Oqyrmandar qazan aıynyń 1-ine deıin daýys bere alady. Jeńimpazdardyń esimderi kúzde ótetin marapattaý sharasynda jarııalanady. Konkýrs jaıly tolyq málimetti www.akalam.kz resmı saıtynan bilýge bolady.
Ularbek NURǴALYMULY,
«Egemen Qazaqstan»
