EKPA sessııasynyń kún tártibine Lıvııadaǵy jaǵdaıǵa, klımat jónindegi Parıj kelisimin iske asyrýǵa, IShIM terrorıstik topty qarjylandyrýǵa qarsy is-qımylǵa, uıymdasqan qylmys pen gıbrıd soǵyspen kúreske, Eýropadaǵy jýrnalısterdiń mártebesine baılanysty máseleler engen bolatyn. Sondaı-aq «EKPA-da sybaılas jemqorlyq oqıǵalary týraly táýelsiz tergeý organdarynyń baıandamasyna baılanysty sharalar» jáne «Kopengagen deklarasııasy, baǵalaý jáne odan keıingi sharalar» taqyryptary boıynsha jedel pikirsaıystar da uıymdastyryldy. Sırııadaǵy bitimgerlik bastamalaryndaǵy Eýropanyń róline arnalǵan jeke pikirtalas boldy.
24-25 sáýirde Qazaqstan senatorlary EKPA Saıası másleler jáne demokratııa jónindegi komıtetiniń jumysyna qatysty. T. Muqashev pen S. Aıtpaevanyń sózderi terrorızmdi nasıhattaýǵa qarsy is-qımyl máselelerine arnaldy.
Assambleıa alańdarynda Qazaqstannyń parlamenttik delegasııasy Eýropa solshyldarynyń birlesken tobynyń depýtattary Tını Koks jáne Henk Overbıkpen (Nıderlandy), sondaı-aq Andreı Hýnkomen (GFR), Eýropa konservatorlary tobynyń tóraǵasy Iаn Lıddel-Greındjermen (Ulybrıtanııa), Eýropany jaqtaıtyn lıberaldar men demokrattar alıansynyń múshesi Jordı Chýklamen (Ispanııa), Belarýs Ulttyq jınalysy О́kilder palatasynyń múshesi Andreem Naýmovıchpen jáne Elena Anısımmen kezdesti.
Áńgime barysynda Qazaqstannyń Eýropa Keńesi men EKPA-men yntymaqtastyǵynyń jaı-kúıi jáne basymdyqtary talqylandy. Júzdesýshiler Qazaqstannyń saıası jáne áleýmettik jańǵyrý baǵdarlamasy týraly habardar boldy. Kezdesý sońynda taraptar Qazaqstan men Eýropa Keńesiniń arasyndaǵy parlamentaralyq yntymaqtastyq saıası únqatysý men túrli saladaǵy ekonomıkalyq is-qımyldy nyǵaıtýǵa yqpal etetinine senim bildirdi.
