Mereke kúni Astana qalasy ákimdiginiń «Naz» memlekettik bı teatry Qazaqstanda turatyn barlyq ult ókilderiniń biregeı ulttyq bılerin usynady. Shara «Táýelsizdik» alańynda saǵat 11.00-debastalady.
Konserttik baǵdarlamany «Qazaq eli» monýmentiniń aldyndaǵy alańda saǵat 12:00-de túrkııalyq horynyń «Mereke áni» án keshi jalǵastyrady. Erler ujymymen birge sahna tórinde túrkııalyq SOPRANO áıelder toby óner kórsetpek.
Odan basqa «Qazaq eli» monýmentiniń aldyndaǵy alańda qazaq kúresi, arqan tartys, asyq atý, gir tasyn kóterý jáne qol kúres syndy ulttyq sport túrlerinen jarystar ótkiziledi.
Osy kúni saǵat 13:00-de «Báıterek» monýmentiniń aldyndaǵy alańda «Dostyq sherýi» atty velosherý bastalad y. Shara elordada velosıped tebý maýsymyn resmı ashady. Sonymen qatar, saǵat 15:00-de dombyrashylardyń oryndaýynda «Uly dala úni» atty fleshmob uıymdastyrylady. Shara barysynda 500 adam Qurmanǵazynyń áıgili «Saryarqa» kúıin kópshilik nazaryna usynady.
1 mamyr merekesine oraı Beıbitshilik jáne kelisim saraıynda «Altyn Batyr» step-toby óz kórermenderin qýantpaq. Al Qýyrshaq teatry óz kórermenderine «Vmeste my odna strana» atty qýyrshaqtar konsertin usynady. M.Gorkıı atyndaǵy memlekettik akademııalyq orys drama teatrynda «Zolotoı syplenok» spektakliniń, al Q.Qýanyshbaev atyndaǵy qazaq teatrynda «Qyzyl alma» komedııasynyń tusaýkeseri ótedi.
Sonymen qatar, erteń Astana turǵyndary men qonaqtary «Red Bus» avtobýstarymen Astananyń sol jaǵalaýymen tegin ekskýrsııaǵa qatysý múmkindigine ıe bolady. Ekskýrsııa «AiLand» (okeanarıým) kóńil-kóterý ortalyǵynan jáne «MEGA Silkway» saýda oıyn-saýyq ortalyǵynan bastalady.
Budan basqa, qalanyń kitaphanalarynda, mýzeılerinde, teatrlarynda jáne basqa da mádenıet mekemelerinde birlik pen dostyq merekesine arnalǵan taqyryptyq kórmeler, spektaklder men konsertter ótkiziledi.
2 mamyr kúni Sáken Seıfýllın mýzeıiniń ujymy qalalyq mádenıet ortalyqtarynyń ókilderimen «Baqyt mekeni – Astana» taqyrybynda kezdesý ótkizedi.
Osy kúni saǵat 19.00-de Q.Qýanyshbaev atyndaǵy Memlekettik akademııalyq qazaq mýzykalyq drama teatry «Abylaı hannyń armany» atty tarıhı dramasyn kórermen nazaryna usynady.
3 mamyr kúni Astana qalasy ákimdiginiń Memlekettik akademııalyq fılarmonııasynyń Qazaq orkestri kórnekti qazaq kompozıtory, kúıshi Tólegen Mombekovtyń júz jyldyǵyna oraı «Saltanat» atty konsert usynady. Kesh «Astana» konsert zalynda saǵat 19:00-de bastalady.
