Qurmetti otandastar!
Barshańyzdy 1 mamyr – Qazaqstan halqynyń birligi kúnimen shyn júrekten quttyqtaımyn!
Bul shynaıy jalpyhalyqtyq mereke otanshyldyǵymyzdyń, týǵan jerge degen súıispenshiligimiz ben adaldyǵymyzdyń jarqyn sımvoly bolyp sanalady. Birlik pen kelisimniń arqasynda biz táýelsiz memleket qalyptastyryp, zor jetistikterge jettik. Álemge tanylyp, bıik bedelge ıe boldyq.
Birlik pen kelisimniń mańyzdylyǵyn tolyq uǵyný – elimizdiń úılesimdi ári ornyqty damýynyń negizgi faktory.
Birlik, dostyq jáne ózara syılastyq bolǵan kezde ǵana bizdiń keń baıtaq ortaq otanymyz – Qazaqstan Respýblıkasy mol baılyq pen baq-berekege keneledi. Osy mańyzdy qundylyqtar qoǵamymyzdyń dúnıetanymyn anyqtap, onyń odan ári birige jáne jumyla túsýiniń aıqyn baǵdary bolady.
Memleket ómiriniń barlyq salasyndaǵy aýqymdy jańarý jańa belesterdi baǵyndyryp, jeńiske jetý jolynda birligimiz ben turaqtylyǵymyzdy nyǵaıtýǵa septigin tıgizedi dep senemin.
Barshańyzǵa zor densaýlyq, baq-bereke jáne jańa tabys tileımin!
