Abaı alańyna jınalǵan jurtshylyqty oblys ákimi Danıal Ahmetov merekemen quttyqtap, lebizin jetkizdi. «Ult birligi – baıandy bolashaqtyń berik negizi. Prezıdentimizdiń syndarly saıasaty arqasynda halqymyz álem kóshinen qalmaı baqytty ǵumyr keshýde. Berekemiz artyp, yrysymyz tasydy. Rýh oıanyp, ekonomıka nyǵaıdy. Munyń barlyǵy - jasampaz eńbektiń jemisi, kópultty, erkin eldiń jeńisi», - dedi aımaq basshysy óziniń quttyqtaý sózinde.
Qazir qaladaǵy ortalyq alańǵa aǵylǵan halyq nazaryna «Qazaqstan- turaqtylyq pen beıbitshiliktiń besigi» atty etnomádenı birlestikter men óner ujymdarynyń konserti usynylyp jatyr.
О́skemen qalalyq Ishki saıasat bóliminiń taratqan málimetterine súıensek, merekelik sharalar legi Astananyń 20 jyldyǵyna oraı uıymdastyrylǵan avtosherýmen, «Stýdent kóktemi-2018» baıqaýynyń galakonsertimen jalǵasady. X-Fastor jobasynyń jeńimpazy Evgenııa Vyblov pen «Ty-sýper!» jobasynyń qatysýshysy Vlada Loskýtov alańda án salady. Merekelik shara keshkisin saǵat 21:00-de mýzykaly sýburqaqtyń iske qosylýymen túıindeledi.
Azamat QASYM,
«Egemen Qazaqstan»
