Is-shara jyl saıyn álemniń alpystan astam memleketinen halyqaralyq jáne qazaqstandyq BAQ ókilderin, saıasatkerler men sarapshylardy bir alańǵa jınap keledi.
Osy jolǵy Forýmnyń hedlaınerleri retinde Italııanyń eks Premer-mınıstri Mateo Rensı men Barak Obamanyń kommýnıkasııalar jónindegi keńesshisi Rodjer Fısk qatysatynyn rastady.
«Evolıýsııanyń 15 jyly: álem qalaı ózgeredi jáne bizdi qalaı ózgertedi» taqyrybyndaǵy Forýmnyń «Halyqaralyq qarym-qatynastar evolıýsııasy» sessııasynda Italııanyń eks Premer-mınıstri Mateo Rensı basty spıker bolady. Sessııa moderatory – TASS bas dırektory Mıhaıl Gýsman.
Barak Obamanyń kommýnıkasııalar jónindegi keńesshisi Rodjer Fısk «Aqparattyq tehnologııalar evolıýsııasy: naqty derekten feık jańalyqtarǵa. Alańdaýymyz qajet pe?» sessııasynyń basty spıkeri bolyp tabylady.
Sonymen qatar, Forým qonaqtaryn qyzyqty pikirtalas alańy, mańyzdy taqyryptar, mazmundy áńgime, spıkerlerdiń tanymal shoǵyry kútedi.
Eýrazııa medıa forýmy 3 kún ótedi. Jıynda 7 plenarlyq sessııa bolady. Sondaı-aq, álemdik sarapshylar sheberlik dárisine bir kúndi arnalady.
