Mədenıet jəne sport mınıstrligiń baspasóz qyzmetinen habarlaǵandaı, pavılonda Halyqaralyq «Eýrazııa» kınofestıvaliniń tusaýkeseri ótedi. Atap aıtqanda, «Eýrazııa» kınofestıvaliniń ákimshilik basqarý tobyn, baǵdarlamasyn, qazylar alqasy múshelerin tanystyrý, Eýrazııalyq kınojobalardyń naryǵyn ótkizý, otandyq fılmderdi taratý boıynsha dıstrıbıýterlik kompanııalarmen kezdesý, Qazaqstan kınomektepterin tanystyrý, «Eýrazııa» HKF kartınalardy irikteý, QR kınematografısteriniń qatysýymen press-brıfıngterdi uıymdastyrý jumystary júrgizilmek.
«Ońtústik-shyǵys Jerorta teńizi jaǵalaýynda ótetin bedeldi kınoforýmdaǵy Qazaqstannyń pavılony bıyl ekinshi ret ashylmaq. Bul jyly Qazaqstannyń jas ári talantty rejısserleriniń kóptegen fılmi birneshe konkýrstyq baǵdarlamalarǵa qatysyp otyr. Bıyl Kann kınofestıvaliniń «Erekshe kózqaras» baǵdarlamasynda elimizdiń atynan Ádilhan Erjanovtyń «Laskovoe bezrazlıchıe mıra» fılmi, Jannat Alshanovanyń «Kones sezona» fılmi Sınefondason baǵdarlamasynda, ACID baǵdarlamasynda Olga Korotkonyń «Tak sebe zıma» fılmi qatysady. Sondaı-aq, rejısserleri Venera Qaıyrjanova men Berik Jahanovtyń qysqametrajdy «Tyǵylmaq» jáne «Asan» fılmderi Marchedufilm kınorynogy aıasyndaǵy «ShortFilmCorner» («Qysqametrajdy fılmderdiń buryshynda») kórsetiletin bolady», - delingen habarlamada.
Delegasııa quramynda memlekettik uıymdardyń ókilderi, shyǵarmashylyq ıntellegensııa, Qazaqstan kınosy men televızııasynyń beldi azamattary jáne Qazaq ulttyq óner ýnıversıtetiniń stýdentteri bar. 2018 jyldyń 8 mamyr kúni «Hôtel Barrière Le Majestic Cannes» qonaqúıinde ulttyq pavılonnyń ashylýyna oraı «Kanndaǵy qazaq keshi» atty resmı jıyn ótedi. Bul aıtýly keshke Memlekettik «Solıster akademııasy» orkestriniń súıemeldeýimen QR Halyq artısi Aıman Musaqojaeva men elimizdiń tanymal ánshisi Dımash Qudaıbergen jáne basqa da ánshiler óner kórsetedi.
«Qazaqstannyń ulttyq pavılony» Kann Halyqaralyq kınofestıvali aıaqtalǵanǵa deıin óz jumysyn atqaryp, sheteldik kınokompanııalarmen birlesip kıno óndirýge qajetti seriktesterdi tartýmen aınalysatyn bolady. «Qazaqstannyń ulttyq pavılony» QR Mádenıet jáne sport mınıstrligi men QR Fransııadaǵy Elshiliginiń qoldaýymen ashylady.
