A.Mýsınov kadrlyq dıplomat maman, buryn Qazaqstan Syrtqy ister mınıstrliginde túrli laýazymdarda qyzmet atqardy, Qazaqstannyń Mysyrdaǵy, Saýd Arabııasyndaǵy, Birikken Arab Ámirlikterindegi elshisi, Syrtqy ister mınıstrliginiń jaýapty hatshysy jáne mınıstrdiń orynbasary boldy. Qazirgi ýaqytta Qazaqstan Úkimetiniń joldamasymen IYU Bas hatshylyǵynda beıbitshilik jáne qaqtyǵystardy retteý jónindegi bólim basshysynyń qyzmetin atqarady.
«Bul taǵaıyndaý Qazaqstan Prezıdenti Nursultan Nazarbaevtyń musylman álemindegi bedeliniń, ıslam álemin damytý boıynsha belsendi qyzmetiniń arqasynda múmkin boldy. Qazaqstandyq ókildiń saılanýy 2017 jyldyń qyrkúıeginde Astana qalasynda ótken IYU ǵylym men tehnologııalar jónindegi birinshi sammıtiniń nátıjelerin iske asyrý aıasynda óte mańyzdy bolyp tabylady», - dedi Syrtqy ister mınıstri Qaırat Ábdirahmanov.
Saılaýdaǵy jeńis Qazaqstan ókili IYU-da osyndaı joǵary laýazymǵa buryn sońdy taǵaıyndalmaǵanymen de erekshe bolyp otyr. A. Mýsınovtyń saılaýdaǵy qarsylasy bangladeshtik dıplomat Kamrýl Ahsan boldy. Qazaqstan ókiline IYU Azııalyq toptyń 18 múshesiniń 12-si daýys berdi.
