Golovkın birinshi raýndtan bastap shabýyldap, qarsylasyna múmkindik bermedi. Alaıda Martırosıan da birneshe soqqylaryn daryta aldy. Birinshi raýnd qazaqstandyqtyń basymdyǵymen aıaqtaldy.
Ekinshi raýndtyń basynda Martırosıan tizerlep otyryp qaldy, alaıda dereý turyp, jekpe-jekti jalǵastyrdy. Golovkın taktıkasyn ózgertip, qarsylasyn soqqynyń astyna alyp, buryshtan shyǵarmady. О́z kezeginde Martırosıan da soqqylar serııasyn jasaýǵa tyrysyp qaldy. Degenmen de Genanyń aýyr soqqylary Vaneske aýyr tıip, nokaýttan keıin qaıta tura almady. Osymen, Martırosıan úshin sporttyq mansabynda bul jeńilis tórtinshi boldy. Jalpy ol 41 jekpe-jek ótkizip, onyń 36-synda jeńiske jetken edi. Bul jekpe-jek Karsondaǵy (AQSh, Kalıfornııa shtaty) StubHub Center arenasynda ótti.
