Oblys ákiminiń orynbasary Evgenıı Kım jobalyq basqarý aıasynda atqarylǵan jumys jóninde habarlama jasady. Búginde bazalyq ındýstrııalandyrý baǵytynda quny 359 mlrd teńgeni quraıtyn 4 jobalyq bastama júzege asyrylyp jatyr. Osy oraıda 2,7 myń jumys ornyn qurý josparlanǵan. Agroónerkásip keshenin damytý baǵyty 3 jobany qamtıdy. Olar - agroónerkásip sýbektileri úshin qarjynyń, saýda naryǵynyń qoljetimdiligi jáne eksportty damytý, otandyq aýyl sharýashylyǵy ónimderin shetel naryǵyna shyǵarý jáne jańa naryqty ıgerý bolmaq.
- Jappaı kásipkerlikti damytý, halyqty jumyspen qamtý, ınvestısııa tartý baǵyttary aımaq úshin asa mańyzdy. Shaǵyn nesıelendirýge oblystyq bıýdjetten - 1 mlrd teńge, basqa kózderden 2 mlrd teńge bólinip otyr. Jumyssyz jáne ózin ózi jumyspen qamtyǵan azamattardyń jańa bıznes ıdeıalaryn júzege asyrýy úshin 3 mln teńgege deıin qaıtarymsyz granttar beriledi, - dedi Evgenıı Kım.
Elbasy tapsyrmasyna sáıkes densaýlyq saqtaý salasyn sıfrlyq baǵdarlamaǵa kóshirý jaıynda oblystyq densaýlyq saqtaý basqarmasynyń basshysy Aqmaral Álnazarova baıandady.
Baqtııar TAIJAN,
«Egemen Qazaqstan».
Qyzylorda oblysy.
