Beısenbi kúni, 10 mamyrda marafon qatysýshylary sońǵy ujymdyq jattyǵýlaryn ótkizdi. 70 adamnan turatyn top "Atyrau Marathone – 2018"-ǵa 20 naýryzdan bastap daıyndalýda. Aptasyna 3 ret júgirýshiler basshylarynyń nusqaýymen ár túrli qashyqtyqta qala kóshelerin júgirip ótken. Jarysqa 3 kún qalǵanda júgirýshiler sońǵy jattyǵýlaryn aıaqtady, endi jeńiske psıxologııalyq túrde daıyndalady.
"Atyrau Marathone – 2018" qatysýshylardyń jattyqtyrýshysy Altaı Quspanovtyń aıtýynsha, marafonǵa qatysýshylarǵa jarysqa deıin arnaıy jattyǵýdan ótý qajet.
-Qatysýshy ózi júgiretin qashyqtyqty tańdaý qajet, ózin jarysqa fızıkalyq turǵydan daıyndaý kerek, sonymen qatar, ózine qajetti quraldar tańdaý kerek. О́zimen birge sý ala kelip, 42 shaqyrymǵa júgiretin bolsa júrek jalǵaıtyn asty da ala shyqqan jón, sebebi júgirý 3 saǵatqa sozylady,- deıdi Altaı Quspanov.
Aıta keteıik, 13 mamyrda 10.000 m qashyqtyqta júgirý Abylaıxan dańǵylynan( Ýorleı Parsons eldi mekeni men Muz saraıy aralyǵy). bastalady. Qatysýshylar 8.00-de jınalady, start - 9.15-te. Yńǵaıly bolý úshin qatysýshylardy Maxambet alańynan 8.00-den bastap avtobýstar tasymaldaıdy.
Muz saraıynyń aldyndaǵy alańda 42,195 m qashyqtyqta júgirý bastalady. Qatysýshylar 6.00-de jınalyp, saǵ. 7.00-de bastalady. Yńǵaıly bolý úshin qatysýshylar avtobýstarmen 6.00-den bastap Mahambet alańynan jetkiziledi.
4500 m qashyqtyqta júgirýdi Mahambet alańyna qarama-qarsy Satpaev kóshesinen bastaý josparlanýda. Qatysýshylar 7.30-da jınalyp, saǵat 9.00-de bastalady.
10 mamyrdaǵy aqparat boıynsha onlaın jáne oflaın tirkeýden 3000-ǵa jýyq qatysýshy ótken.
