«Biz taza elordany qoldaımyz!» jalpyqalalyq senbiligi kezinde aýdan ákimderi apparattary aǵashtardy otyrǵyzý, olardy aqtaý, bekitilgen aýmaqtardy, saıabaqtar men gúl baqtaryn tazartý, belgilenbegen jerde qalyptasqan qoqys oryndaryn joıý jumystaryn júrgizdi.
Ekologııalyq sharaǵa qalanyń 110 myńnan astam turǵyny men 4 729 kásipornynyń qyzmetkelerleri qatysty. Olardyń 57-si – joǵary jáne orta-kásibı oqý oryndary, 146-sy – mektepke deıingi jáne jalpy bilim beretin mekemeler, 74-i – densaýlyq uıymdary, 166-sy – memlekettik mekemeler, vedomstvolar men ulttyq kompanııalar. Naýqanǵa júk tıegishterdiń 161, júk kólikteriniń 372 birligi men basqa da mamandandyrylǵan tehnıka jumyldyryldy.
Aksııa aıasynda jalpy aýdany 3,9 mln sharshy metrdi quraıtyn saıabaqtar men úl baqtarynyń aýmaqtary jınalyp, qyzyl tal, tatar úıeńkisi, qaraǵaı, shyrsha, qaıyń, emen, terek, sheten sııaqty aǵashtardyń 18094 kósheti, 3000 buta egildi.
«Almaty» aýdanynda senbilikke 12080 adam men 459 mekemeniń qyzmetkerleri shyqty. Mamandandyrylǵan tehnıkanyń 143 birligi jumyldyryldy. Olardyń 105-i – júk aýdarǵysh kólikter, 38-i – júk tıegishter. Munda 4 518 aǵash otyrǵyzylsa, 40 000 aǵash aqtaldy.
«Baıqońyr» aýdanyndaǵy tazalaý jumystaryna 13 500 adam men 1 665 kásiporynnyń qyzmetkerleri qatysty. Jumyldyrylǵan 68 mamandandyrylǵan tehnıkanyń 51-i – júk aýdarǵyshtar, 17-si – júk tıegishter. Aǵashtardyń 11 106, butalardyń 3000 kósheti otyrǵyzylsa, alty myńnan astam aǵash aqtalǵan eken.
Al «Esil» aýdanynda senbilikke 16800 adam, 680 kásiporynnyń qyzmetkerleri keldi. Arnaıy tehnıkanyń 132, ıaǵnı, júk tıegishterdiń 95, 37 júk tıegishterdiń birligi jumyldyryldy. Aǵashtardyń 11 106, butalardyń úsh myńnan astam kósheti egildi. Aqtalǵan aǵashtardyń sany – 6000.
«Saryarqa» aýdanynda ótken aksııaǵa 68 251 adam men 1 925 kásiporynnyń qyzmetkerleri belsene aralasty. Mamandandyrylǵan tehnıkanyń 190 birligi jumyldyrylyp, 2070 aǵash egildi. Qatysýshylar 1040 aǵashty aqtady.
Budan bólek, «Saryarqa» aýdanynda ekologııalyq aılyq aıasynda emen, alma, shıe jáne bórtegúl alleıalary paıda boldy. Osylaısha aýdan aýmaǵyndaǵy Shevchenko kóshesinde 80 emen aǵashy, Keńesary kóshesinde shıe men alma taldary, Shevchenko kóshesi men Alaıa dańǵylynyń aralyǵynda jatqan Saryarqa dańǵylynyń boıynda bórtegúldiń 100 butasy otyrǵyzyldy.
Qala syrtyna qaldyqtardyń 5 myńǵa tarta tonnasy shyǵaryldy.
