Osylaısha Almaty qalalyq JITS aldyn alý jáne oǵan qarsy kúres ortalyǵynyń medısınalyq, memlekettik, halyqaralyq, qoǵamdyq úkimettik emes uıymdardyń qyzmetkerleri, AITV-men ómir súrýshiler qoǵamdastyǵynyń músheleri Halyqaralyq JITS qurbandaryn eske alý kúnine arnalǵan respýblıkalyq aksııalarǵa qosylady.
Mını-ınstallıasııa halyqaralyq JITS-ke qarsy kúres sımvoly qyzyl lenta formasynda «Doverıe plıýs» qoǵamdyq qordyń qatysýymen jasaldy. Ol JITS ortalyǵynyń aýlasynda medısına qyzmetkerler men AО́A otyrǵyzǵan aǵashtar men gúlderdiń janyndaǵy kishigirim kólik turaǵynda ashylady. JITS qarsy kúrestiń ekinshi sımvoly – kvıltti belsendiler «Medeý»muz aıdynynyń densaýlyq baspaldaǵynyń eń bıigine kóteredi. Kvılt dep otyǵanymyz, osy aýrýdan kóz jumǵandardy eske alý úshin quralǵan kenep bólikteri. Quraqty JITS qurbandarynyń týǵan-týystary, dostary men súıiktileri, ata-analary men balalary tigedi. Bul- biz joǵaltqan jandardyń tiri, kórikti esteligi.
Sonymen qatar bul kúni AО́A qoldaý maqsatyndaǵy JITS, týberkýlez, bezgekke qarsy kúres Jahandandyq qorynyń granty sheńberinde jumys jasaıtyn jańa ÚEU daǵdarystyq ortalyqtyń ashylýy ótedi.
– Aksııanyń maqsaty, – deıdi Almaty qalalyq JITS aldyn alý jáne oǵan qarsy kúres ortalyǵynyń bas dárigeri Marat Tókeev, – qoǵamdy AITV-pozıtıvke tolerantty qaraýǵa shaqyrý jáne bul kez kelgenimizdiń basymyzǵa túsý múmkin ekenin eske salý. Árqaısysymyz óz densaýlyǵymyzǵa úlken jaýapkershilikpen qaraýǵa mindettimiz. AITV-ınfeksııasynyń epıdemııasyn toqtatýǵa halyqaralyq standarttarǵa sáıkes mynadaı memlekettik sharalar kesheni yqpal etedi: aldyn alý, emdelýge zárý barlyq jandy qoljetimdilikpen qamtamasyz etý, sonymen qatar, árıne, qoǵam nazaryn belsendi túrde aýdarý.
Bul prosesste erekshe oryndy epıdemııamen kúresýde aldyńǵy qatarda júretin adamdar men dárigerler alady. Emdeý nátıjesi men naýqastardyń ómiri olardyń kásibı deńgeıine, kishipeıildiligine, zeıindiligi men adaldyǵyna baılanysty.
Antıretrovırýstyq terapııaǵa qol jetimdilikti arttyrý, AITV-men ómir súretin adamdardǵa tolyqqandy ómir súrýine, jumys isteýge, saý balalardy dúnıege ákelýge jáne qoǵamdyq qyzmetke belsendi qatysǵa múmkindik beredi.
Jyl saıyn Dúnıejúzilik JITS qurbandaryn eske alý kúnin, mamyrdyń úshinshi demalysynda atap ótedi.
Bul kúndi alǵash ret (World Remembrance Day of AIDS Victims) 1983 jyly amerıkalyq San-Fransıskoda atap ótken.
Aınash ESALI,
«Egemen Qazaqstan».
ALMATY
