«Qurylysshylardyń eren eńbeginiń arqasynda oblysymyzda jáne Qazaqstannyń ózge aımaqtarynda iri ınvestısııalyq jobalar júzege asyrylyp, zamanaýı nysandar salynýda. О́zderińiz kórip otyrǵandaı, Qyzylordada Syrdarııanyń sol jaǵalaýynda 15 shaǵyn aýdan, áleýmettik jáne bıznes-nysandardy qamtıtyn jańa qala boı kóterýde. Osy baıqaýdy biz Astananyń 20 jyldyǵy men Qyzylordanyń 200 jyldyǵyna oraı, sondaı-aq, jumysshy mamandyqtardy nasıhattaý maqsatynda uıymdastyrdyq. Kásibı sheberlik baıqaýyna elimizdiń barlyq aımaqtarynan qurylysshylar qatysýda», - dedi Qýanyshbek Ysqaqov.
Uımdastyrýshylardyń aıtýynsha, baıqaý barysynda barlyq tapsyrmalardy durys oryndaýmen qatar qaýipsizdik sharalaryn saqtaý jáne shyǵarmashylyq kózqaras esepke alyndy.
Baıqaý qorytyndysymen «Úzdik qalaýshy» jáne «Úzdik sylaqshy» nomınasııalarynda jeńimpazdar anyqtaldy.
«Úzdik qalaýshy» nomınasııasynda birinshi oryndy Aıjaryq Nııazov (Atyraý obl.), ekinshi oryndy Zerdebek Isqalıev (Batys Qazaqstan obl.), úshinshi oryndy Baýyrjan Chýnetov (Mańǵystaý obl.) ıelendi. «Úzdik sylaqshy» nomınasııasynda birinshi oryndy Nına Derksen (Qaraǵandy obl.) jeńip alsa, ekinshi oryn Erkemaı Temirǵalıevaǵa (Pavlodar obl.), al úshinshi oryn Ǵanı Elǵojınge (Jambyl obl.) buıyrdy. Jeńimpazdarǵa dıplom men baǵaly syılyqtar – komıýter, teledıdar jáne noýtbýktar – tabystaldy.
Atap óteıik, saıys Syrdarııanyń sol jaǵalaýyndaǵy qurylys nysandarynda uıymdastyryldy.
Búginde Qyzylorda qalasynyń sol jaǵalaýy qarqyndy qurylys alańyna aınaldy. Jańa qalada 1925 jyly ultqa «qazaq» ataýyn qaıta berý týraly tarıhı sheshim qabyldanǵan Qazaq Ortalyq atqarý komıtetiniń burynǵy ǵımaraty arhıvtegi syzbalar boıynsha qaıta salynǵan Rýhanı jańǵyrý ortalyǵy salyndy. Qazirgi tańda munda 18 kópqabatty turǵyn úı salynyp, qala kúnine oraı paıdalanýǵa berilmek. Sondaı-aq, munda 320 oryndyq balabaqsha, «Bolashaq» ýnıversıtetiniń stýdentter qalashyǵy, jastar resýrstyq ortalyǵy, emhana, Neke qııý saraıy men ózge de áleýmettik nysandardyń qurylysy salynýda. Bıyl osy aýmaqta halqymyzdyń oı-sanasy, ulttyq salt-dástúri, turmys-tirshiligin eskere otyra, shyǵys stılindegi turǵyn úıler salynbaq.
