Memleket basshysy búginde Qazaqstan men Sıngapýr arasyndaǵy dostyq ári áriptestik qarym-qatynastar joǵary deńgeıde ekenin atap ótti.
– Sıngapýrmen burynnan jaqsy baılanysymyz bar. Men Lı Kýan Iý myrzamen kóp jyl dostyq qarym-qatynasta boldym. Elderińizdiń qazirgi Premer-Mınıstrimen de tyǵyz yntymaqtastyqta jumys istep kelemiz. Halyqaralyq basqosýlardyń bárinde júzdesip, qarym-qatynasymyzdy odan ári nyǵaıtý jóninde áńgimelesemiz, – dedi Elbasy.
Nursultan Nazarbaev Qazaqstannyń týrızmdi damytýǵa múddeli ekenin atap ótip, Astananyń týrıstik áleýetin arttyrý úshin atqarylyp jatqan sharalar jóninde aıtty.
– Siz – qonaq úı bıznesinde tanymal adamsyz, álemniń kóptegen elderinde jumys istep júrsiz. Astana – jańa elorda. Biz ony týrıstik qalaǵa aınaldyrmaqpyz. Bul úshin biz Sıngapýrdyń osy baǵytta júrip ótken jolyn zertteýdemiz, – dedi Memleket basshysy.
Ong Beng Seng Qazaqstandaǵy óziniń alǵashqy jumys tájirıbesi jóninde aıtty.
Sıngapýrlik bıznesmen Qazaqstannyń Nursultan Nazarbaevtyń basshylyǵymen qarqyndy túrde órkendep, damýdyń joǵary nátıjelerine qol jetkizgenin atap ótti.
