Jaqynda Almaty oblysynda osy baıqaý márege jetti. О́ńirdegi ónegeli otbasylardyń arasynan úzdik áýletti anyqtaý jumysy jyl boıy júrgizilgen eken. Áýelgide baıqaýǵa qatysýǵa 500-ge jýyq otbasy usynys bildiripti. Olardyń arasynan 38 otbasy iriktelip, aqtyq synǵa ótken.
- Otbasy birligin, bútindigin saqtaý úshin qandaı qadam jasaǵan durys? Ásirese jastarǵa oı salatyndaı sharalar qajet. Budan bes jyl buryn Elbasy bastamasymen júzege asqan «Mereıli otbasy» baıqaýynyń mıssııasy osy bolatyn. Qazir baıqaýǵa qatysýshy otbasylardyń qatary kóbeıip, shattyǵy shalqyǵan shańyraq ıeleriniń sany artqan- dedi «Mereıli otbasy» baıqaýynyń jeńimpazdaryn marapattaý sátinde oblys ákiminiń orynbasary Jaqsylyq Omar.
Baıqaý qorytyndysynda qazylar alqasynyń sheshimimen birinshi dárejeli dıplomdy Taldyqorǵan qalasynan Rahymbekovter otbasy jáne Jambyl aýdanynan Karıbaevtar áýleti ıelendi. Olarǵa 1 000 000 teńge aqshalaı syıaqy tabys etildi.
Rahymbekovter áýletiniń otaǵasy Myqtybek myrza ónegeli otbasynyń ıesi ǵana emes, bilikti basshy, bilimdi zańger, mesenat azamat. «Aınalaıyn» balalar úıiniń túlekteri men jaǵdaıy tómen otbasylarynan shyqqan 100 balany tegin oqytyp, mamandyq meńgerýine septigin tıgizdi. Oqý ozattary men óner ıelerine de qarjylyq turǵyda demeý kórsetip júrgen qaıyrymdy jan. Áýlettiń otanasy Qalqa Baljanova da bilim salasynda eńbek etýde. Taldyqorǵan qalalyq «Analar alqasy» qoǵamdyq birlestiginiń tóraıymy. О́negeli otbasynyń ul-qyzdary da tabysty eńbek etip, elimizdiń damýyna úles qosýda. Al ekinshi «Mereıli otbasynyń» otaǵasy Birjan Karıbaev jeke kásipker, al otanasy Álııa Ábsemetova halyqaralyq ekonomıst, jýrnalıst, dızaıner. Atalmysh otbasy elimizdegi Balalar quqyǵyn qorǵaý komıteti men «Mıloserdıe» eriktiler qoǵamy» qorynyń birlesken «Kazahstan bez sırot» jobasyna óz úlesin qosýda. Shańyraq ıeleri Birjan men Álııa ózderiniń eki ulyna qosa, qazaq, nemis, orys ultynan jeti perzent asyrap alyp, baýyryna basyp otyrǵan jandar. Bir otbasynda tárbıelenip jatqan 6 ul, 3 qyz memlekettik tilde bilim alýda. О́zge ulttan asyrap alǵan ul-qyzdarynyń boıyna ulttyq salt-dástúrli sińire otyryp, zaman talabyna saı bilimdi urpaq tárbıeleýdi maqsat tutatyn ónegeli otbasy.
Jetisýdan shyqqan qos «Mereıli otbasy» óńirdiń namysyn respýblıkalyq baıqaýda qorǵaıtyn bolady.
Qalmahanbet MUQAMETQALI,
«Egemen Qazaqstan»
Almaty oblysy
