Kásipkerlerge qysastyq jasalyp otyr

Biraq bul másele báribir to­lyq sheshiler emes, kóptegen me­morgandar ózderiniń jab­dyq­­taý­shy­larynyń múddesin qorǵap, zańnamanyń normalaryn buzýda. Máselen, Shyǵys Qazaqstan oblysyndaǵy «О́s­ke­men qalasynyń qarjy bóli­­mi» MK ózderiniń jab­dyq­­taý­­shysyn konkýrs­ta jeń­gizýdiń jańa jolyn tap­qan. Baǵasy 9 mlrd teń­geden ar­tyq turatyn tapsyrysty (transformatorlyq qosalqy stansalar qury­lysy) aıryqsha tártipti qol­daný arqyly mem­lekettik satyp alýlardyń elek­trondyq portaly arqyly ót­kizgen. Osy oraıda olar aıryqsha tártipti qoldaný – ulttyq qa­ýipsizdik pen quqyq qorǵaý organdary nemese qyz­met­tik aqparattardy shekti kó­lem­de ǵana taratatyn mem­lekettik qupııaǵa qatysy bar qyz­metterdiń qurylysyn salýǵa ǵana qatysty ekenin es­ker­megen. Tipti aıryqsha jaǵ­­­daı­lar memlekettik satý­dyń veb-portalyna salyn­baıtyndyǵy týraly 2015 jyl­dyń 31 jel­toqsanynda qabyl­danǵan Úkimettiń Qaýlysyn da kózge ilmegen.

Kásipkerlerdiń shaǵymyna baı­lanysty «Aq jol» QDP Qar­jy mınıstrligine qaı­y­rylǵan edi, onyń ishki aýdıt qyzmeti tekserip, aıryqsha tár­tipti qoldanýdyń zań buzý­shy­lyq ekenin anyqtady. 

Osyndaı jaǵdaı OQO Shar­dara aýdandyq ákim­diginde de oryn alǵan. Onda Shardara sý qoı­masynyń jaǵa­laýyndaǵy ǵıma­rat­ty balalardyń sa­ýyq­­tyrý lagerine jalǵa alý úshin ótkizilgen tenderde jet­ki­zýshige qoıy­latyn ta­lap­­tardyń ara­synda qyz­met­kerlerdiń sany 37-den (nege naq 37?) kem bolmaýy, olardyń jatyn oryn­da­rynyń bolýy, ashana 100 balaǵa jáne 37 qyzmetkerge arnalýy jáne t.b. talaptar qo­ıylǵan. Qyzmetkerlerdiń bári­niń lagerde jatyp-turýyn min­detteýdiń qandaı qajettigi bol­ǵanyn eshkim de túsinbeıdi. Sonymen bir­ge órt sóndirý men elektr jab­dyqtarynyń sapasy emes, mo­deliniń qandaı bolýy tıis ekeni talap etilgen. Al osy konkýrsta jeńimpaz bolǵan uıymǵa usynylýǵa tıisti soma satyp alýdyń josparynda 5,3 mln teńge bolsa, endi onyń nelikten 4,5 mln. teńgege aza­ıyp qalǵany da túsiniksiz. 

Bas prokýror Qaırat Qo­jam­jarov pen Qarjy mınıstri Baqyt Sultanovtyń atyna jol­danǵan depýtattyq saýalymyzdy atalǵan máselege qatysty ar­naıy tekseris júrgi­zip, tıisti sha­ralar qol­daný suralyp otyr. 

Keńes ABSATIROV, 
Májilis depýtaty