Árbir laýreattyń nemese dıplomant taǵdyry baqylanyp otyrady, «Boztorǵaı» konkýrsynyń Halyqaralyq festıvalder men konkýrstar dúnıejúzilik Federasııa qataryna engendigi arqasynda Qazaqstannyń daryndy balalary Halyqaralyq festıvalder men konkýrstarǵa qatysý erekshe múmkindigin alady, – deıdi «Boztorǵaı» balalar shyǵarmashylyǵy halyqaralyq baıqaýynyń dırektory Qarlyǵash Ábdikárimova.
Bul tabysqa «Boztorǵaı» balalar shyǵarmashylyǵy halyqaralyq baıqaýy ońaı jete salǵan joq. Talantty balalarymyz AQSh, Bolgarııa, Latvııa, Lıtva, Estonııa, Reseı, Belorýssııa, Túrkmenstan, Tádjikstan, Germanııa, Koreıa, Polsha, Túrkııa, Italııa, Portýgalııa, Chehııa, Fransııa, Ispanııa syndy memleketterde jeńip alǵan Gran-prı jáne júldeli oryndarymen jetti.
«Boztorǵaı» baıqaýy ótkizilgen jyldarda daryndy balalardy anyqtaý jáne damytý baǵytynda kóp jumys jasaldy. Atqarylǵan sharalar bir kezeńdik emes ekendigin aıta ketý qajet.
Aınash ESALI,
«Egemen Qazaqstan».
ALMATY
