Konstıtýsııalyq zańnama, sot júıesi jáne quqyq qorǵaý organdary komıteti «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýsııalyq zańyna ózgerister men tolyqtyrýlar engizý týraly»; «Qazaqstan Respýblıkasynyń keıbir zańnamalyq aktilerine saılaý máseleleri boıynsha ózgerister men tolyqtyrýlar engizý týraly»; «Qazaqstan Respýblıkasynyń Qaýipsizdik Keńesi týraly» jáne «Qazaqstan Respýblıkasynyń keıbir zańnamalyq aktilerine Qazaqstan Respýblıkasy Qaýipsizdik Keńesiniń qyzmeti máseleleri boıynsha ózgerister men tolyqtyrý engizý týraly» zań jobalary boıynsha bas komıtet bolyp belgilendi.
«Qazaqstan Respýblıkasynyń keıbir zańnamalyq aktilerine dinı qyzmet jáne dinı birlestikter máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine áleýmettik qamsyzdandyrý máseleleri boıynsha ózgerister men tolyqtyrýlar engizý týraly» zań jobalaryn odan ári pysyqtaýǵa jáne qorytyndy ázirleýge Áleýmettik-mádenı damý jáne ǵylym komıteti jaýapty boldy.
Parlament Senatynyń 31 mamyrda bolatyn otyrysynyń kún tártibi belgilendi.
Senatorlar «1992 jylǵy 6 shildedegi Táýelsiz Memleketter Dostastyǵy Ekonomıkalyq Sotynyń mártebesi týraly kelisimge ózgerister engizý týraly hattamany ratıfıkasııalaý týraly»; «Qazaqstan Respýblıkasynyń Qaýipsizdik Keńesi týraly»; «Qazaqstan Respýblıkasynyń keıbir zańnamalyq aktilerine Qazaqstan Respýblıkasy Qaýipsizdik Keńesiniń qyzmeti máseleleri boıynsha ózgerister men tolyqtyrý engizý týraly»; «Qazaqstan Respýblıkasynyń keıbir zańnamalyq aktilerine zııatkerlik menshik salasyndaǵy zańnamany jetildirý máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine kommersııalyq emes uıymdardyń qyzmeti máseleleri boıynsha ózgerister men tolyqtyrýlar engizý týraly» zań jobalaryn qaraıtyn bolady.
Senat Tóraǵasy joǵarǵy Palatanyń aldaǵy zań shyǵarý jumystary men ótkizetin sharalaryna áriptesteriniń nazaryn aýdardy. 1 maýsymda «Sıfrlyq Qazaqstan» memlekettik baǵdarlamasyn iske asyrý barysy týraly» parlamenttik tyńdaý bolady. Halyqaralyq qatynastar, qorǵanys jáne qaýipsizdik komıtetiniń músheleri О́zbekstan Olıı Májilisi Senatynyń tıisti komıtetiniń depýtattarymen 4 maýsymda Saryaǵashta parlamentaralyq yntymaqtastyq máseleleri boıynsha kezdesý ótkizedi. «Mundaı sıpattaǵy kezdesý alǵash ret, Qazaqstandaǵy О́zbekstannyń jylynda ótkeli otyr. Aımaqtarmen ózara is-qımyl máseleleri árqashan kún tártibinde bolýy tıis, óıtkeni reformalardy negizgi júrgizýshiler aımaqtar bolyp tabylady», - dep atap ótti Q.Toqaev. «О́ńir» depýtattyq toby aýyl sharýashylyǵy ónimderin óńdeý máseleleri boıynsha 7-8 maýsymda Petropavlda kóshpeli otyrys ótkizedi.
Senat basshysy sondaı-aq óziniń Atyraýǵa jumys babyndaǵy saparyn qorytyndylady. «Biz oblys aktıvimen jáne jurtshylyq ókilderimen kezdestik, óndiris nysandaryn araladyq, Atyraý oblysy elimizdiń ekonomıkasynda strategııalyq mańyzdy ról atqaratynyna kýá boldyq. Jergilikti halyq Elbasynyń saıasatyn, onyń barlyq reformalaryn qyzý qoldap otyr. Sheshilmegen máseleler de bar, olar depýtattyq baqylaýǵa alynatyn bolady», dedi ol.
