Elimizde «Challenge «Seniń jańa qyryń» respýblıkalyq sport bastamasynyń iske qosylady

2018 jyldyń 4 maýsymy­nan bastap Qazaqstanda Challenge «Seniń jańa qyryń» atty buqa­ralyq sport bastamasy iske qo­sylady. Fızıkalyq belsen­dilikti nasıhattaý maqsatynda onlaın-jobany iske asyrý bas­tamasyn «Samruk-Kazyna Trust» áleýmettik jobalardy damytý qory qolǵa aldy.

Baspasóz máslıhatyna Challenge «Seniń jańa qyryń» jo­ba­synyń uıym­dastyrýshysy Va­lı­han Ten, Olımpıada chempıony Ermahan Ybyraıymov, ártis, Qazaqstannyń eńbek si­ńir­gen qaıratkeri, jobanyń brend-­ambassadory Murat­ Mu­tyrǵanov, TNT telearna­synyń «Tan­sy» telejo­basynyń qatysýshysy Mádına Beıse­keeva, «Samruk-Kazyna Trust» áleýmettik jobalardy damytý qorynyń basqarýshy dırektory-resmı ókili Lıma Dıas qatysty.

«Qazaqstanda Challenge «Se­niń jańa qyryń» buqaralyq sport bastamasy 2018 jyldyń 4 maýsymynda bastalady. Onyń negizgi maqsaty – Qazaqstan halqynyń arasynda salamatty ómir saltyn qalyptastyryp, sport­qa degen súıispenshiligin oıatý. Jobany Qazaqstan Res­pýb­­lıkasynyń Prezıdenti Nursultan Nazarbaev qoldap, qazaq­standyqtardy sportpen shuǵyl­danýǵa jáne belsendi ómir saltyn ustanýǵa shaqyratyn beıne úndeý joldady. «Challenge «Seniń jańa qyryń» – bul eldiń ómir saltyndaǵy jahandyq ózgerister. 2018 jyly joba­nyń sát­ti ótýiniń kórsetkishi retinde Qaz­aq­stan­da sportpen aınalysatyn adam­­dardyń sany 2017 jylǵa qa­raǵanda 300 myńǵa kóteriledi dep josparlanyp otyr. Dál osy qazaqstandyqtardyń bo­ıyn­da salamatty ómir saltyn us­taný­dyń daǵ­dylary men prın­sıpterin tárbıeleý jos­par­da bar», dep atap ótti óz sózinde «Samruk-Kazyna Trust» áleýmettik jobalardy damytý qorynyń resmı ókili Lıma Dıas.

Joba uıymdastyrýshysy Valıhan Tenniń aıtýy boıynsha, Challenge «Seniń jańa qyryń» bastamasy qazaq­stan­dyqtarda sport­pen shuǵyldaný ádetin qa­lyp­tastyrý maqsatynda júze­ge asyrylady. «Bul úshin 21 kún ishinde fızıkalyq jattyǵýlarǵa tek jarty saǵat ýaqyt bólý jet­kilikti», deıdi ol.

Sonymen qatar joba aıasynda múm­kindigi shekteýli ba­la­larǵa erekshe nazar aýdarylady. Olar úshin arnaıy Al­maty qa­lasynda tanymal tul­ǵalardyń qatysýymen uıymdas­tyrylatyn 3 of­flaın-jattyǵý ótkizý jos­parlanyp otyr.

Raýan QAIDAR,
«Egemen Qazaqstan»