Qaraǵandyda aıryqsha alleıalar ashyldy

On­daǵy maqsat – osy baq jo­lyn­­da keıin kópshilik shara­lar uıymdastyrý arqyly otba­sy­lyq qundylyqtardy nasıhattaý, qala halqyn ásemdikke, tur­ǵylyqty jerine degen qur­metke shaqyrý. Mádenı-es­te­tıkalyq jobany «Rýhanı jań­­­ǵyrý» baǵdarlamasynyń aıa­syn­da, oblystyq ishki saıasat bas­qarmasynyń áleýmet­tik tap­s­y­rysymen, «Qaraǵandy obly­sy­nyń kásip­kerler qaý­ym­das­tyǵy» uıym­das­ty­ryp otyr.

Otbasy alleıasyn «Gıldııa 3-S» JShS daıyndasa, Mahabbat pen adaldyq alleıasyn jastar – Qaraǵandy, Temirtaý, Shahtınsk qalalaryndaǵy kol­ledjderdiń stý­dentteri óz qol­darymen ja­saǵan.

– Jobaǵa jastardyń úles qos­­qanyna qýanyshtymyz. Osy «Rýhanı jańǵyrý» baǵ­dar­lamasy boıynsha jasalyp jat­qan jumystardyń bári jas urpaqtyń keleshegi úshin, – dedi ashylý saltanatynda Qaraǵandy ob­lystyq ishki saıa­sat bas­qar­ma­sy basshysynyń oryn­ba­sary Gúlnar Qasembaeva.

«Rýhanı jańǵyrý» jobalyq tobynyń jetekshisi Gúlnar Qur­ban­baeva jańa baq jolda­ryn ja­saýǵa atsalysqan stýdent­ter­ge, kásipkerlerge, qa­la tur­ǵyndaryna jáne «Qara­ǵan­dy mádenıet jáne demalys saıa­baqtary basqarmasy» KMK-niń qyz­metkerlerine alǵys bil­dir­di.

Jańa baq jolyna yrymdap, jaqynda ǵana otaý qurǵan jas jubaılar Janbolat Atarjanov pen Aınur Dúısebaeva aldymen aıaq basty.

Alleıany daıarlaý barysynda stýdent jastar arasynda sá­ki­lerdi bezendirý sheberligine baı­qaý jarııalanǵan bolatyn. Sal­tanatty shara sońynda sol baı­qaýdyń qorytyndysy shy­ǵarylyp, jeńimpazdarǵa syı-sııapattar tabys etildi.

Qaırat ÁBILDA,
«Egemen Qazaqstan»

QARAǴANDY