1. Jalpy erejeler
Osy Ereje mektepke deıingi, orta, qosymsha, tehnıkalyq jáne kásiptik, joǵary bilim uıymdary úshin beıne-sabaqtar men beıne-dáristerdiń jyl saıynǵy «Pedagogıkalyq ıdeıalar panoramasy» Respýblıkalyq konkýrsyn (budan ári – Konkýrs) ótkizý jáne qatysý tártibi men talaptaryn retteıdi.
Konkýrs Qazaqstan Respýblıkasy Prezıdentiniń N. Nazarbaevtyń 2018 jylǵy 10 qańtardaǵy «Tórtinshi ónerkásáptik revolıýsııa jaǵdaıyndaǵy damýdyń jańa múmkindikteri (7-tarmaq – «Adam kapıtaly – jańǵyrtý negizi») atty Joldaýyn iske asyrý aıasynda ótkiziledi.
1.1. Konkýrs bilim mazmunynyń jańarý jaǵdaıynda mektepke deıingi, orta, qosymsha, tehnıkalyq jáne kásiptik, joǵary bilim uıymdary pedagogıkalyq qyzmetkerleriniń zamanaýı bilim berý tehnologııalary men ádistemelerin qoldaný boıynsha tıimdi praktıkalaryn jáne ozyq tájirıbelerin tanystyrý men taratý formalarynyń biri bolyp tabylady
1.2. Konkýrsty ótkizý bilim berýdi damytyp, ozyq pedagogıkalyq praktıkalarǵa qoljetimdilikti qamtamasyz etýge yqpal etetin bolady. Konkýrs pedagogtardyń kásibı jáne aqparattyq-kommýnıkasııalyq quzyrettilikteriniń ósýine qyzmet etedi, al olardyń úzdikteri qoǵamdyq moıyndaýdy alady.
1.3. Konkýrstyń uıymdastyrýshysy – «О́rleý» Biliktilikti arttyrý ulttyq ortalyǵy» Aksıonerlik qoǵamy (budan ári - «О́rleý» BAUO» AQ).
1.4. Konkýrsty uıymdastyrý men ótkizý úshin Ortalyq uıymdastyrý komıteti (budan ári - Uıymkomıtet) qurylady, onyń quramyn О́rleý» BAUO» AQ Basqarmasy men óńirlik kezeńde Konkýrsty uıymdastyrý men ótkizý úshin jaýapty «О́rleý» BAUO» AQ fılıalynyń árbir bazasyndaǵy О́ńirlik uıymdastyrý komıteteri (budan ári - О́UK) anyqtaıdy .
1.5. О́UK Tóraǵalary «О́rleý» BAUO» AQ fılıaldarynyń dırektory bolyp tabylady».
1.6. Túsken beıne materıaldarǵa baǵalaý júrgizý maqsatynda árbir óńirde Saraptama keńesi qurylady, olar bilim berý, oqytý ádistemesi, medıa tehnologııa salasyndaǵy bilikti mamandar qatarynan jasaqtalady jáne О́UK tóraǵasy bekitedi.
1.7. О́UK Uıymkomıtet ázirlegen Konkýrsty uıymdastyrý men ótkizý jónindegi birińǵaı is-sharalar jospary boıynsha áreket etedi jáne Sarapta keńesiniń jumysyn qamtamasyz etedi.
2. Maqsaty men mindetteri
2.1 Konkýrstyń maqsaty – birińǵaı aqparattyq-bilim keńistiginde zamanaýı pedagogıkalyq tájirıbeni jınaqtaý jáne nasıhattaý, pedagogtardyń aqparattyq-kommýnıkasııalyq jáne tehnologııalyq quzyrettilikterin arttyrý.
2.2. Konkýrstyń mindetteri:
- úzdik pedagogıkalyq praktıkalarǵa qoljetimdilikti qamtamasyz etý;
- bilim berý qyzmetkerleriniń kásibı quzyrettilikterin damytý;
- «О́rleý» pedagogtardyń biliktiligin arttyrý Ulttyq portalynda úzdik beıne-sabaqtar men beıne-dárister qoryn jasaý.
3. Konkýrs mynadaı baǵyttardy qamtıdy:
- mektepke deıingi tárbıe men oqytýdaǵy zamanaýı tehnologııalar;
- orta bilim berýdi oqytýdaǵy zamanaýı tehnologııalar;
- tehnıkalyq jáne kásiptik oqytýdaǵy zamanaýı tehnologııalar;
- joǵary bilimdi oqytýdaǵy zamanaýı tehnologııalar;
- qosymsha bilim berýdi oqytýdaǵy zamanaýı tehnologııalar.
4. Konkýrstyń tili
Qazaq, orys, aǵylshyn.
5. Beınematerıaldyń túri:
- dáris (oqytý men tárbıeleý ádisi, belgili bir saladaǵy ıdeıalar júıesin dáıekti monologtyq baıandaý);
- sabaq (oqý jumysyn uıymdastyrý formasy, osy jaǵdaıda pedagog oqý baǵdarlamasynda aıqyndalǵan bilim alýshylarǵa qoıylǵan dıdaktıkalyq jáne tárbıeleý maqsattaryna qol jetkizý úshin sanalýan ádisterdi paıdalana otyryp, naqty keste boıynsha turaqty qurammen dál belgilengen ýaqyt sheńberinde jumys jasaıdy);
- ashyq sabaq (óziniń jumys ádisterin kórsetý maqsatynda basqa oqytýshylardyń qatysýymen tájirıbeli oqytýshy ótkizetin sabaq, tájirıbe almasý men biliktilikti arttyrýdyń mańyzdy quraly);
- praktıkalyq/laboratorııalyq jumys (teorııalyq bilimderdi tereńdetý men bekitý, derbes synaqtan ótý daǵdylaryn damytý maqsatyndaǵy ózdik praktıkalyq jumys túrleriniń biri);
- semınar (jetekshiniń tapsyrmasy boıynsha jekelegen máselelerdi, problemlardy, taqyryptardy bilim alýshylardyń ózdiginen oqyp úırenýine qurylǵan, artynsha materıaldy baıandama, referat túrinde rásimdeıtin jáne ony birlesip talqylaıtyn oqý prosesiniń formasy).
6. Konkýrsqa qatysý tártibi
6.1. Konkýrsqa vedomstvolyq baǵynystylyǵyna, menshik túri men nysanyna qaramastan jıyrma eki atalym boıynsha bilim berý uıymdarynyń pedagogıkalyq qyzmetkerleri qatysa alady. (1- qosymsha).
6.2. Konkýrsqa pedagogtar jeke dara, sondaı-aq shyǵarshylyq uıymdar arqyly qatysýǵa quqyly.
6.3. Konkýrsqa qatysýshylar beretin beıne materıaldar sany shektelmeıdi. Árbir beıne materıalǵa Konkýrsqa qatysý ótinimin toltyrý qajet (2-qosymsha).
6.4. Konkýrsqa qatysýǵa buryn jarııalanbaǵan, basqa konkýrstarǵa qatyspaǵan, ınternet jelisine ornalastyrylmaǵan beıne materıaldar jiberiledi.
7. Konkýrsty uıymdastyrý jáne ótkizý tártibi
Konkýrs úsh kezeńde ótkiziledi.
7.1. 1 kezeń – daıarlyq, mynalardy qamtıdy: Uıymkomıtetti, О́UK, Saraptama keńesterin (óńirlik jáne Respýblıkalyq) qurýdy, Konkýrsty daıarlaý men ótkizý jónindegi Uıymkomıtettiń birińǵaı is-sharalar josparyn ázirleýdi; jarnama ónimderin jasaýdy jáne ony taratýdy; jiberilgen beıne materıaldardy jınaqtaý úshin qorjyndyq sheshim jasaýdy. Árbir fılıalda jeke qorjyn qurylady.
7.2. 2 kezeń – О́ńirlik. Konkýrstyń óńirlik kezeńine qatysýshylar О́UK úshin «О́ńirlik konkýrs materıaldary papkasyndaǵy qorjynǵa Konkýrstyq beıne materıaldardy júkteýi qajet. Beıne materıaldy júktegen kezde faıldyń ataýy beıne-sabaqtyń jáne (nemese) beıne-dáristiń ataýyna sáıkes bolýy tıis. Beıne materıaldyń ataýymen birdeı Konkýrsqa qatysý ilespe qujaty (2-qosymsha) «О́rleý» BAUO» AQ fılıalynyń elektrondy mekenjaıyna jiberiledi.
Konkýrstyq jumystardy jınaý kezeńi aıaqtalǵannan keıin О́UK barlyq materıaldardy óńirlik Saraptama keńesine beredi.
Saraptama keńesi 8.1. – 8.9. tarmaqtaryna sáıkes konkýrs jumystaryna baǵalaýdy júzege asyrady jáne О́UK-ǵa Respýblıkalyq kezeńge qatysý úshin árbir atalym boıynsha úsh úzdik jumysty usynady (1-qosymsha).
О́UK mindetti túrde Saraptama keńesiniń usynymdaryn basshylyqa ala otyryp, Respýblıkalyq konkýrsqa tapsyrylǵan beıne materıaldardy jetildirý boıynsha ádistemelik kómek kórsetýge tıis.
7.3. 3 kezeń – Respýblıkalyq. Árbir fılıaldyń О́UK irikteýden ótken jáne jetildirilgen beıne materıaldardy ilespe ótinimmen Uıymkomıtetke joldaıdy (2-qosymsha). Uıymkomıtet Konkýrstyq beıne materıaldardy YouTube-degi «О́rleý» BAUO» AQ Bilim berý arnasyna ornalastyrady.
Respýblıkalyq kezeń Respýblıkalyq saraptama keńesi músheleriniń úzdik jumystardy irikteýimen aıaqtalady (baǵalaý krıterııleri, 8.1. – 8.10 tarmaq.).
7.4. Konkýrstyń qorytyndylary «О́rleý» BAUO» AQ saıtynda ornalastyrylady.
7.5. Kezeńder merzimderi «О́rleý» BAUO» AQ Basqarmasynyń buıryǵymen anyqtalady».
7.6. Avtorlyq quqyqtar.
Konkýrsqa qatysýshy ózinde kez kelgen nysanda jáne kez kelgen ádispen paıdalanýǵa bolatyn múliktik jáne múliktik emes (aıryqsha) avtorlyq quqyqtyń bar ekendigine kepildik beredi. Konkýrsqa qatysýshylar úshinshi tulǵalardyń avtorlyq (sabaqtas) quqyqtaryn buzǵandyǵy úshin jeke jaýapkershilik kóteredi.
Qatysýshy tapsyrǵan jáne Konkýrsta paıdalanylatyn zııatkerlik qyzmet nátıjelerine aıryqsha quqyqtardyń buzylýyna baılanysty úshinshi taraptardyń talaptaryn Konkýrsqa qatysýshy óz kúshterimen jáne óz esebinen sheshýge mindettenedi.
Konkýrsqa óz jumysyn jibere otyryp, avtor tapsyrylǵan materıaldy Konkýrstyń uıymdastyrýshysyna olardyń uıǵarymy boıynsha shekteýsiz merzim boıynda aqysyz (syıaqy tóleýsiz) shart qoımaı paıdalaný quqyǵyn, Konkýrsqa qatysqan beıneni jarııa taratý onyń ishinde ony ınternet jelisine, telebaǵdarlamalarǵa ornalastyrý, shyǵarmashylyq jobalarǵa qosý, BAQ-ta jarııalaý, odan keıin taratý, shyǵarmashylyq óńdeý quqyǵyn qosa alǵanda (alaıda olarmen shektelmeı) jáne t.b.) avtomatty túrde beredi. Konkýrsqa jiberilgen jumystar (beıne) resenzııalanbaıdy jáne qaıtarylmaıdy.
Qatysýshy Konkýrsqa qatysýymen Konkýrs uıymdastyrýshysyna derbes málimetterin (tegin, atyn, ákesiniń atyn, elektrondy pochtatasynyń mekenjaıyn, beıneleleýdi (fotografııany) jáne ózge derbes málimetterdi) paıdalanýǵa jáne óńdeýge óz kelisimin beredi.
Konkýrsqa barlyq qatysýshylar óz attaryn, tekterin, ákesiniń attaryn, jáne beıneleýlerdi (fotografııalardy) Konkýrs uıymdastyrýshysynyń saıtyna ornalastyrýǵa, sondaı-aq baspasóz basylymdaryna, radıo- jáne televızııalyq habarlarǵa, Internet-BAQ-qa jáne aqparatty ózge buqaralyq aqparat quraldarynda, You Tube, Facebook-ty qosa alǵanda (shekteýsiz) taratýǵa óz kelisimin beredi .
8. Konkýrsty baǵalaý krıterııleri:
8.1. Konkýrs jumysy mazmunynyń konkýrs baǵyttaryna sáıkestigi.
8.2. О́zektiligi, bilim berýdiń zamanaýı talaptaryna saı bolýy, praktıkalyq baǵyttylyǵy jáne materıaldyń ádistemelik qundylyǵy.
Oqýshylardyń sabaqtaǵy joǵary ishki yntalylyǵy jáne belsendi ózdik i-áreketi.
8.3. Bilim berýde ozyq bilim berý tehnologııalaryn jáne/nemese bilim berýdegi
8.4. sıfrlyq tehnologııalardyń jańa jetistikterin engizý deńgeıi.
8.5. Sıýjettik jelini qurý qısyny.
8.6. Konkýrstyq jumysta AKT-quraldardy qoldaný sheberligi.
8.7. Beıne materıaldyń serpindiligi.
8.8. Kózben kórý qatarynyń sapasy.
8.9. Dybys sapasy.
10. YouTube-degi «О́rleý» BAUO» AQ Bilim berý arnasyndaǵy kórsetilimder sany.
8.1. – 8.9 tarmaqtary krıterııleriniń árqaısysy boıynsha 0-den bastap 2 ball beriledi (0 ball – baǵalaý krıterııi kórsetilmegen, 1 ball – ishinara kórsetilgen, 2 ball-tolyq kórsetilgen). Saraptama keńesiniń árbir múshesi ball qoıady, odan keıin qorytyndy bolyp tabylatyn ortasha ball qoılady.
8.10. krıterııi boıynsha qaǵıdalar mynadaı – kórsetilimder sany – 500-ge deıin – 0 ball; 501-den bastap 1000 kórsetilimge deıin – 1 ball; 1001 kórsetilimnen astam – 2 ball
9. Konkýrstyq jumystarǵa qoılatyn talaptar
9.1 Beınematerıaldardyń tehnıkalyq sıpattamalary:
- HD (1280x720) bastap Full HD (1920x1080) deıin;
- format *.mp4.
- beınematerıaldyń hronometrajy 20 mınýtqa deıin;
- Ilespe qujattar:
- Konkýrsqa qatysý úshin ótinim (2- qosymsha);
10. Konkýrstyń Respýblıkalyq kezeńiniń júlde qory:
Júldeli oryndar úshin aqshalaı syıaqylar kódelgen. Júldeli oryndar árbir taqyryptyq baǵyttar úshin anyqtalady (1,2,3 oryndar jıyrma eki atalymǵa beriletin bolady).
Konkýrsqa qatysý máselesi boıynsha «О́rleý» BAUO» AQ fılıaldary oblystardyń jáne Almaty, Astana qalalarynyń pedagogıkalyq kadrlardyń biliktiligin arttyrý ınstıtýttaryna habarlasyńyz.
