Búgin Memleket basshysy Nursultan Nazarbaev Qytaıdyń Sındao qalasyna bardy. Elbasy Shanhaı Yntymaqtastyq uıymynyń XVIII sammıtine qatysady. Jıyn erteń Sary teńizdiń jaǵalaýynda ótedi. Oǵan Qytaı, Qazaqstan, Reseı, Qyrǵyzstan, Tájikstan, Pákistan, О́zbekstan jáne Úndistan elderiniń kóshbasshylary qatysady. Iran bolsa uıymnyń tolyqqandy múshesi bolýǵa nıetti.
Sındaodaǵy jıyn – Shanhaı Yntymaqtastyq uıymynyń «Úlken Eýrazııalyq segizdik» formatyndaǵy birinshi sammıti. Byltyr Úndistan, Pákistan sekildi elderdiń Astana sammıtinde uıymǵa múshelikke ótýi segizdiktiń salmaǵyn arttyra tústi. Qurylym keńeıý arqyly geosaıası yqpalyn kúsheıte túspek ári alyp naryq. Shanhaı keńesinde terrorızmge qarsy kúres, shekara qaýipsizdigi, esirtki aınalymyn tejeý, separatızm men ekstremızm qaýpiniń aldyn alý sekildi kúrdeli máseleler talqyǵa túspek. Bular bir elge ǵana tán emes, tutas memleketterdegi halyqaralyq deńgeıde ýshyqqan máseleler. Keselden qutylýdyń jalǵyz joly – birlesip kúresý. Sammıt nátıjesi boıynsha naqty usynystar ázirlenip, Sındao deklarasııasy qabyldanady dep kútilýde.
