«Jańa Konstıtýsııa jobasynda adam quqyqtary men bostandyqtarynyń memlekettiń basty qundylyǵy retinde kórsetilýi – Qazaqstannyń damýy úshin mańyzdy qadam dep oılaımyn. Bul memlekettiń árbir azamattyń qadir-qasıeti men erkindigin qorǵaýǵa erekshe mán beretinin bildiredi», deıdi ol.
Nazgúl Baımuhamedqyzy jobaǵa halyqaralyq adam quqyqtary jónindegi normalardyń engizilýi Qazaqstannyń álemdik qaýymdastyqpen baılanysyn nyǵaıtatynyn atap ótti.
«Azamattardyń jeke, áleýmettik jáne saıası quqyqtarynyń keńeıýi qoǵamda ádildik pen teńdikti arttyrýǵa kómektesedi. О́mir súrý quqyǵyn qorǵaý, jeke derekterdiń qaýipsizdigi, «Mıranda erejesiniń» engizilýi jáne sıfrlyq qaýipsizdikke kóńil bólinýi qazirgi zaman talabyna saı keledi. Bul azamattardyń quqyqtarynyń jaqsyraq qorǵalýyna jáne memleketke degen senimniń artýyna yqpal etedi», dep jazdy ol.
Sonymen qatar, áıelder men balalardyń quqyqtaryn qorǵaý, neke ınstıtýtynyń teń quqyqty odaq retinde tanylýy jáne bilim berý júıesiniń zaıyrly bolýy qoǵamdaǵy turaqtylyq pen adamgershilik qundylyqtardy saqtaýǵa baǵyttalǵan.
«Qorytyndylaı aıtqanda, bul Konstıtýsııa jobasy – azamattardyń quqyqtaryn qorǵaýǵa, ádiletti qoǵam qalyptastyrýǵa jáne eldiń bolashaǵyn nyǵaıtýǵa arnalǵan mańyzdy qujat dep esepteımin», deıdi aǵa oqytýshy.
Konstıtýsııalyq reforma aıasyndaǵy perspektıvalar
