«Qazaqstan Respýblıkasy Amerıka Qurama Shtattarynyń prezıdenti D. Tramp jáne Koreı Halyq Demokratııalyq Respýblıkasy Memlekettik keńesiniń tóraǵasy Kım Chen Ynnyń 2018 jylǵy 12 maýsymda Sıngapýr qalasynda ótken kezdesýin qoldaıdy jáne memleketterdiń ekijaqty qatynastardy retteý boıynsha kúshterin joǵary baǵalaıdy.
Atalǵan sammıtti Vashıngton men Phenıan arasyndaǵy senimdi nyǵaıtýǵa, sondaı-aq KHDR men halyqaralyq qoǵamdastyq arasyndaǵy qatynastardy qalypqa keltirýge múmkindik beretin mańyzdy tarıhı oqıǵa retinde qarastyramyz.
BUU Qaýipsizdik Keńesiniń turaqty emes múshesi jáne ıadrolyq qarýdan azat álemdi qurýdy qoldaıtyn memleket retinde Qazaqstan múddeli memleketterdiń kelissóz prosesin jalǵastyrý jónindegi kúshterin qoldaıdy jáne aımaqtaǵy beıbitshilik pen turaqtylyqty qamtamasyz etý maqsatynda Soltústik Koreıanyń ıadrolyq qarýsyzdanýy boıynsha naqty ózara tıimdi jáne qolaıly jaǵdaılardy jasaýǵa úmittenedi.
Bul turǵyda Astana Phenıannyń ıadrolyq qarýdy joıýǵa degen umtylysyn joǵary baǵalaıdy jáne álemdegi tórtinshi ıadrolyq áleýetten óz erkimen bas tartyp, eń iri ıadrolyq synaq oryndarynyń birin japqan, sondaı-aq IаQTSh jáne IаSJTSh aıasynda belsendi jumysy arqyly jahandyq ıadrolyq qarýdy taratpaý rejimin nyǵaıtýǵa eleýli úles qosqan Qazaqstannyń jolyn tańdaýǵa shaqyrady.
Qazaqstan Soltústik Koreıa daǵdarysy tek beıbit túrde rettelý sıpatyna ıe ekendigine senim bildirip, barlyq múddeli taraptardy Koreı túbegin ıadrolyq qarýsyzdandyrý jónindegi kelissózder prosesin qoldaýǵa shaqyrady» delingen málimdemede.
