Jıynda Mádenıet jáne sport vıse-mınıstri Aqtoty Raıymqulova atalǵan baǵdarlama boıynsha ótken jyly atqarylǵan jumystarmen tanystyrdy. «Elimizdiń barlyq óńirlerine kıeli jerler boıynsha etnomádenı ekspedısııalar uıymdastyrylyp, «Qazaqstannyń jalpyulttyq qasıetti nysandary», «Elimizdiń óńirlik qasıetti nysandary» kitaptary jáne «Qasıetti Qazaqstan» ensıklopedısııasynyń 1-shi tomy jaryq kórdi. Buǵan qosa, tuńǵysh ret Qazaqstannyń kıeli jerleriniń jalpyhalyqtyq tizimine engen keıbir nysandardyń (Qoja Ahmet Iаsaýı jáne Qarahan keseneleri) 3D modeli jasalyp, Qazaqstandaǵy kıeli jerler týraly 4 ǵylymı-kópshilik derekti fılm («Kıeli Qazaqstan», «Qoja Ahmet Iаsaýı, Aısha Bıbi mavzoleıleri», «Altyn adam», «Nomadtar eli») túsirildi», dedi vıse-mınıstr. О́tken jyly elimizdegi tarıhı mańyzy bar, Iаsaýı, Arystanbab keseneleri, Beket ata, Sısem ata qorymdarynyń nysandary, Kóne Taraz, Kóne Túrkistan, Otyrar, Saýran, Saraıshyq qalashyqtary, Abaı Qunanbaıuly memorıaldyq kesheni tárizdi tanymal kıeli oryndarǵa restavrasııalyq jumystar júrgizilgen. Bul baǵytta aldaǵy ýaqytta da birshama jumystar atqarý josparlanyp otyr.
«KazakhTourism» ulttyq kompanııasynyń basqarma tóraǵasy Rashıd Kúzembaev eldegi týrızmniń úlesi ótken jyly 20 paıyzǵa artqanyn, oǵan EKSPO-2017 kórmesiniń tikeleı yqpaly bolǵanyn aıtady. Bıylǵy jyly da kórsetkish osy shamada bolmaq. Astana qalasynyń 20 jyldyǵy mereıtoıyna týrısterdi tartý maqsatynda kóptegen is-sharalar uıymdastyrylady. Sondaı-aq R.Kúzembaev qazaqstandyqtarǵa jazǵy demalysta Ortalyq Qazaqstanda − Býrabaıǵa, Qarqaralyǵa, Baıanaýyl, Ulytaýǵa, shyǵysta − Altaıǵa, Zaısan, Marqakól, Rahmanov bulaqtaryna, Almatyda − Sharyn, Kólsaı, Qaıyńdy, Altynemelge, Araldaǵy kemeler ornyna, Kaspııge, Ústirtke, Balqash pen Alakólge barýǵa keńes beredi. Onyń aıtýynsha, týrıstik áleýeti bar oryndar boıynsha jumystar júrgizilip jatyr. «Batys Eýropa − Batys Qytaı» dálizi boıyndaǵy 93 qyzmet kórsetý ortalyǵynyń qurylysyna jer telimderi bólingen. Qyzmet kórsetý standarttary ázirlenip, kelesi jyly Ulytaý men Tamǵalytasta vızıt-ortalyqtar ashylady dep josparlanýda.
Erkejan AITQAZY,
«Egemen Qazaqstan»
