BAR ÚMIT – BIATLONShYLAR BÁSEKESINDE

Keshe Vankýverde qar jaýyp, qatty jabyǵyp júrgen jarys qojaıyndarynyń kóńil-kúıi bir kóterilip qaldy. Rasynda da qysqy Olımpııa oıyndaryn qalyń qar men qaqaǵan aıazsyz kózge elestetý qıyn eken. Bizdi qoıshy, bárinen de jarysty uıymdastyrýshylar men sportshy­larǵa aýyr. Alǵashqylary Kanadanyń basqa aýmaǵynan qar tasyp álektense, sońǵylary ózderiniń shynaıy sheber­likterin pash ete almaı dińkeleýde. Al keshe aspannan aq ulpa túsip, kópshilik kádimgideı serpilip qaldy. Sońǵy eki kúnniń ishinde 12 medaldar jıyntyǵy sarapqa salyndy. Bul rette barlyq sport túrleri boıynsha básekelestik beleń alyp, Vankýver keshen­derinde “naǵyz jan alysyp, jan berisken” aıqastar ótti. Buǵan deıin áliptiń artyn baǵyp kelgen Germanııa quramasynyń sońǵy táýlikterdegi qarqyny kúshti boldy. Keshe nemister bıatlon men shana sporty boıynsha bas júlde oljalady. Bul saıystarda Mag­dalena Noıner men Tatıana Hıýf­ner top jardy. Mine, osyn­daı tabandylyq pen jankesh­tiliktiń arqasynda Germanııa komandalyq esepte ekinshi orynǵa shyqty. Olardyń enshisinde 3 altyn, 4 kúmis jáne 2 qola medal. Ońtústik Koreıa jáne Shveı­sarııa kósh basyn­daǵy koman­dalarmen ıyq tiresýde. Vankýverde atalmysh memleket­terdiń ánurandary úsh retten shyr­qaldy. Alaıda basty qar­sylastarynan olar kúmis pen qola medaldi áldeqaıda kem jıdy. Kanada, Fransııa jáne Shvesııa sportshylary eki márte jeńis tuǵy­rynyń eń bıik satysyna kó­teril­di. Sondaı-aq, Norvegııa, Qy­taı, Reseı, Slovakııa, Chehııa jáne Gollandııa komandalarynyń qor­jy­nynda bir altynnan bar. Avstrııa, Polsha, Italııa, Japo­nııa, Avstralııa, Japonııa, Esto­nııa, Slovenııa jáne Horvatııa qura­malary da júldeli oryndardy ıelendi. Olımpııa oıyndarynda me­dal­ǵa qol jetkizý zor nátıje ekeni esh daý týǵyzbaıdy. Alaıda búkil álem jurtshylyǵy myqty­lyǵyn túbegeıli moıyndaǵan keıbir memleketterdiń qarqyny tym baıaý ekenin aıtpaı ketýge bolmaıdy. Máselen, qorjynynda konkıshi Ivan Skoborev jeńip alǵan jalǵyz qolasy bar Reseı bes kún boıy 19-oryndy qanaǵat tutyp keldi. Al keshe shańǵydan jeke sprınt básekesinde Nıkıta Krıýkov pen Aleksandr Panjın­skıı kómbege birdeı jetti. Birine – altyn, ekinshisine – kúmis medal buıyrdy. Sonyń arqa­synda orystardyń eńsesi kóteri­lip, búginderi alǵashqy ondyqqa endi. Sondaı-aq, tamasha jeńisti dástúri bar Norvegııa quramasy­nyń kórsetkishi kóńil kónshiterlik emes. Olar 1 altyn, 2 kúmis jáne 2 qola júldeni ıelenip, jalpy esepte segizinshi orynda tur. Al Skandınavııa túbeginiń tarlan­bozdary keı Olımpıadalarda dara shyqsa, keıbirinde úzdikter qa­tary­­na erkin qosylyp júrgenin esten shyǵarmaǵan jón. Sol sebep­ti Reseı men Norvegııanyń búgingi múshkil jaǵdaıy kópshiliktiń tańdanysyn týdyrýda. Biraq aldyn ala ton pishpeı-aq qoıaıyq. О́ıtkeni, jarystyń qyzyǵy men shyjyǵy áli alda. Olımpıadanyń alaýy tek 28 aqpanda sónedi. Oǵan deıin jarys kestesinde kóptegen ózgeristerdiń bolatyny sózsiz. Bálkim, áliptiń artyn baqqan memleketterdiń órenderi aldaǵy kún­deri sýyrylyp shyǵyp, sheber­liktiń shynaıy úlgisin kórseter. Qazaqstan quramasy músheleri arasynan keshe Alekseı Pol­­­­toranın ózin jaqsy qyrynan kórsete bildi. Qysqa qashyqtyqqa jarysqan shańǵyshylar báse­kesinde Shyǵys Qazaqstan obly­synyń ókili júldege synyq súıem qalǵanda súrinip, besinshi oryn aldy. Degenmen de jerlesimizdiń óneri maıtalman mamandar men bilikti bapkerler tarapynan joǵary baǵaǵa ıe boldy. Dál sol saıysta Nıkolaı Chebatko 13- oryndy ıelendi. Bıatlonnan ilesip jarysýda Elena Hrýstalevanyń da júldeli oryn úshin talasýǵa múmkindigi boldy. 13 aqpanda ótken sprınt­tegi nátıjeler esepke alynyp, ol Olımpıada chempıony slova­kııalyq Anastasııa Kýzmınadan 25 sekóndtten keıin besinshi bolyp jarys jolyna shyqty. Alaıda nysanany kózdeý barysynda múlt ketken ol jaǵdaıyn kúrt nashar­latyp aldy. Nátıjesinde 11-oryndy qanaǵat tutty. Konkıshilerdiń 500 metrlik saıysynda el namysyn Marına Aıtova qorǵady. О́z qurbylary arasynda dara talantymen oqshaýlanyp júrgen 18 jasar arý áıgili qarsylastarymen terezesi teń óner kórsete almady. Bul jarysty ol 18-orynmen qory­tyn­dylandy. Jarystyń besinshi jáne altynshy kúnderi baq synaǵan shańǵyshylar – Sergeı Chere­panov, Evgenıı Koshevoı , Oksana Iаskaıa, Elena Kolomına, Elena Antonova, Marına Matrosova, bıatlonshylar – Anna Lebedeva, Iаn Savıskıı, Aleksandr Chervıa­kov syndy otandastarymyz qalyń toptyń arasynda qalyp qoıdy. Mánerlep syrǵanaýdan irikteý básekeleri ótip, dúıim jurt Denıs Tenniń sheberligine qulshyna qol soqty. 17 jasar órenimiz múıizderi qaraǵaıdaı qarsylastarymen teń dárejede aıqasyp, aqtyq synǵa joldama aldy. Búgin ol fınalda óner kórsetedi. О́kinishke oraı, taǵy bir syrǵanaýshymyz Abzal Raqymǵalıevtiń Vankýver muz aıdynynda joly bolmady. Búgin bıatlonnan erler 15 shaqyrymdyq, áıelder 10 shaqy­rym­dyq jekelegen saıysta kúsh synasady. Bul rette Qazaq­stannyń namysyn Aleksandr Chervıakov, Dıas Keneshev, Alek­sandr Trı­fonov, Nıkolaı Braı­chenko, Elena Hrýstaleva, Lıýbov Fılımonova jáne Anna men Marına Lebedeva qorǵaıdy. Konkıshi Ekaterına Aıdova 1000 metrge júgiredi. Erteń jerles­terimiz tuǵyrdan sekirý, taý shańǵysy jáne shańǵy (pýrsıt) sporty boıynsha sheberlik baıqasady. Keshe 1000 metrge júgirgen konkıshiler jarysy óz máresine jetti. Bul rette Shanı Devıs shashasyna shań juqtyrmady. AQSh sportshysynyń kórsetkishi – 1.08,92. Odan sál ǵana qalyp qoıǵan koreıalyq Mo Tae Bým men amerıkalyq Chad Hedrık júldeger atandy. Qazaqstandyq Roman Krech 28-orynda. Osy jeńisten keıin AQSh quramasy komandalyq esepte kósh bastady. Olardyń enshisinde 5 altyn, 3 kúmis jáne 4 qola bar. Ǵalym SÚLEIMEN, arnaıy “Egemen Qazaqstan” úshin – Vankýverden. SPORTShYLARǴA DEGEN ÚLKEN ÚMIT Jer jánnaty Jetisý jerindegi qol jetken tabystar qatarynda ótken jyly Ońtústik Koreıadaǵy álem chempıonatynda elimizdiń abyroıyn asqaqtatqan ziltemirshiler Vladımır Sedov, Svetlana Podobedova, Maııa Maneza men Zúlfııa Chınshanlo tárizdi sportshylardyń eńbekteri de bar. Árıne, ol úlken qurmetke laıyq. Bul bir jaǵynan olardyń eren eńbegi men babyna baılanysty desek, ekinshi jaǵynan kórsetilgen jan-jaqty qamqorlyqtyń nátıjesi ekeni daýsyz. Oblys ákimi Serik Úmbetov óńirdegi dene shy­nyqtyrý men týrızm basqarmasynyń basshyla­ryn, jetisýlyq sportshylardy jáne salany nasıhattap, qalyń buqaraǵa jarysa jazyp jetkizgen buqaralyq aqparat quraldarynyń jýrnalısterin de birge qabyldady. Basshy ótken jylǵy jetistikterge jurtshylyq nazaryn aý­da­ryp, aldaǵy mindetterdi de elep-ekshedi. Salany damytýdyń, kásibı sportshylardy jattyq­ty­rýdyń jaýapkershiligi jaıly da áńgime qozǵady. Jalpy, Memleket basshysynyń salamatty ómir saltyn ustanýy, sporttyń túr-túrimen aı­na­lysýy búginde jas urpaqtyń jadynda jat­talýy jáne osy úrdisti jalǵastyrýy qajettigine de ekpin berdi. О́ńirdegi namysty qoldan bermeı júrgen sańlaqtardyń esimin erekshe atap, ár kezde de egemen elimizdiń mártebesin asqaqtatý jolyndaǵy eńbekterin eseleý qajettigin sóz etti. Qol jetken jetistikti odan ári jalǵastyrý baǵytynda oblystyq dene shynyqtyrý jáne týrızm basqarmasyna jaýapkershilik júktep, jattyqtyrýshylardyń mindetterin de basa aıtty. Osylaısha saltanatty jaǵdaıda oblys ákiminiń arnaıy dıplomymen 100-150 myń kólemindegi aqshalaı syılyǵyn tapsyrdy. Mundaı qurmetti jattyqtyrýshylar, úzdik sportshylar ıelendi. Gir tasyn kóterýden álem men Eýropanyń birneshe dúrkin chempıony, 73 jastaǵy Ámirbaı Rysqulov oblys ákiminiń sportshylarǵa degen qamqorlyǵyn árdaıym sezinip júrgendigin, áli de básekede baq synaıtynyn aıtty. Mundaı marapattan atalǵan salany úzbeı nasıhattaǵan qalamgerler de qalys qalmady. Kúmisjan BAIJAN,Almaty oblysy.