Túrkistan oblysy - Zııaly qaýym ne deıdi?

Á. BEKTURǴANOV: Týrızmniń ilgerileýine múmkindik týdy

Túrkistan – er Túriktiń besigi sanalatyn qutty meken. Al Túrkistan oblysynyń qurylýy Rý­hanı jańǵyrýdaǵy basty, qun­dy sheshimderdiń biri boldy. Jalpy, elimizdiń ońtústik óńiri qandastarymyzdyń uıysyp qonys­tanǵan kıeli mekeni eken­digin eskersek, túrki áleminde Túr­kis­tannyń alatyn orny erekshe. Endi rýhanı astanamyz oblys ortalyǵyna aınalyp, ekonomıka men áleýmettik salanyń tamyryna qan júgire túspek. Onsyz da elimizdegi mádenıet, bilim jáne rýhanı aǵartýshylyq mártebesi joǵary qalanyń Uly Jibek jo­ly­nyń boıyndaǵy qundylyǵy arta túsedi.

Biz shet memleketterge shyq­qan saıyn sheteldikter aldymen Asta­nadan keıin Túrkistandy eske alyp jatady. Sondyqtan Elba­synyń sheshimi eldiń kókeı­in­de júrgen máselege dóp tıdi. Ejel­de Qazaq handyǵynyń astanasy bolǵan qala XII ǵasyrda jańa­sha qarqynmen damý jolyna túskeli otyr.

Al derbes mártebe alǵan Shymkent qalasynyń orny biz úshin tipti erekshe. Endi ekono­mı­­kanyń qaryshtap damyp, tý­rızmniń ilgerileýine tolyq múm­kindik bar.

Jalpylaı alǵanda, endi oń­tús­tiktegi áleýeti joǵary eki qa­la­nyń turǵyndary, olardyń aına­lasyndaǵy eldi mekenderdiń halqy damýdyń dańǵyl jolyna túskeli otyr. Turǵyndarynyń sa­ny mıllıonnan asqan qalanyń damýynda tejeý bolmaıdy, ishki suranys pen usynys sáıkes ke­lip, ilgerilegen ústine ilgerileı túsedi.

Mine, Elbasynyń Jar­ly­ǵymen júzege asqan ońtústik óńir­degi qurylymdyq ózgeris­ter­ge baılanysty barsha qa­zaq­standyqtardyń qýa­ny­shyn se­zinip otyrmyz. Salı­qa­ly she­shimniń ıgiligi mol bo­la­tyn­dy­ǵyna esh kúmán joq.

Ábdimanap BEKTURǴANOV, Májilis depýtaty

*****

R. QALMURADOV: el ta­rıhynyń jańa paraǵy

Túrkistan oblysynyń qu­ry­lýy – ata-babalardyń mu­ra­lary arqyly jetken rýha­nı­ıattyń Qazaqstan úshin mańyzdy eken­diginiń belgisi. Buryn «Túrkistan» sózi búkil Ortalyq Azııany ataý maqsatynda qol­da­nylǵany málim. Endi Elbasy Nursultan Nazarbaevtyń basta­ma­symen Túrkistan qalasy ta­rıhynyń oblys ortalyǵy re­tinde jańa kezeńi bastaldy. Elbasynyń tarıhı sheshimi Orta­lyq Azııa aımaǵyndaǵy ha­lyqtardyń jaqyndasýyna sep­tigin tıgizeri anyq.

Iаǵnı bul ha­lyqaralyq turǵyda kórshi memle­ket­termen yntymaqtastyqty ny­ǵaıtýda alar orny erekshe óz­geris. Ákimshilik ortalyqtyń kó­shirilýi jańa jumys oryndaryn shoǵyrlandyryp, eńbekke ja­ram­dy halyqtyń basym kóp­shi­ligin jumys oryndarymen qam­­týǵa septigin tıgizedi. Jańa áleý­­mettik, turǵyn úı jáne bas­qa da jobalar qarqyndy túrde jú­ze­ge asyrylady. Jalpy Túrkis­tan qalasynyń aımaq or­ta­l­y­ǵy retinde anyqtalýy – el ta­rıhynyń jańa paraǵy ashyl­ǵan­dyǵynyń belgisi.

Túrkistan oblysynda týrız­m­di, aýyl sharýashylyǵynyń bar­lyq baǵyttaryn, ónerkásip salasyn damytý úshin tyń qadamdar iske asyrylatyny anyq. Iаǵnı bul qadam óńirdegi ekonomıkanyń, bıznestiń, ınfraqurylym men joldyń damýyna serpin bere oty­ryp, Túrkistannyń tek kıeli me­ken emes, úlken mádenıet orta­lyǵy, ekonomıkalyq oshaǵy retinde damýyna jaqsy múmkindik týǵyzatynyna senim mol.

Rozaqul QALMURADOV,

Túrkistan qalasynyń qurmetti azamaty

*****

O. ASANǴAZY: Aqıqatqa aınalǵan arman

Alty Alashtyń ardaǵy mar­ǵasqa Maǵjan aqyn jyr­la­ǵandaı, «Eki dúnıe esigi» hám «Er túriktiń besigi» bolǵan aıaý­ly Túrkistannyń qazaqtyq qaı­maǵy buzylmaǵan qasıetti Ońtústiktiń ortalyq atanýy, shyraıly Shymkenttiń res­pýb­lıkamyzdaǵy derbes damı­tyn megapolıster qataryna qo­sylyp, óz aldyna shańyraq kóte­rýi bórkimizdi aspanǵa ata­tyndaı asa zor qýanysh ekeni talas týdyrmasa kerek. Bul sońy­nan ergen el-jurtyn ór­ke­nıet órine súıregen para­satty Prezıdentimizdiń ta­ǵylymǵa toly tarıhı she­shi­mi.

Kıeli Túrkistandy kúl­li túrkiniń kindik qalasy etý ata-babalarymyzdyń ǵa­syr­lar boıǵy armany edi. Endi, mi­ne, ultymyzdyń tulpar mi­nip tý ustaǵan uly perzenti Nur­sultan Nazarbaev sol asyl ańsar-muratty aqıqatqa aınal­dyrdy. Oıdaǵy isi­miz oryndalǵan osyndaı aqja­ryl­qap tańnyń atqanyna shú­kirshilik etkenimiz abzal. Kezin­de eriksiz Ermıtajǵa ket­ken­ qasıetti Taıqazan ege­men­diktiń eleń-alańynda Túr­kis­tanǵa qaıta oralǵanda, muny yrys-nesibemizdiń molaıýyna, bereke-birligimizdiń artýyna ba­lap, barsha muratymyzǵa jet­kendeı baraqat kúı kesh­ke­nimiz, sirá umytylar ma?!

Basyna baq qonǵan sol Túrkistan táýelsizdik tusyn­da qaıta túledi. Túbi bir týys­ta­ry­myzǵa Qazaqstannyń qara­sha­ńyraq ekenin eske salatyndaı talaı halyqaralyq iri jıyndar ótti ejelgi ordamyzdyń tórinde. Byltyr kúlli túrki áleminiń mádenı astanasy már­tebesin ıelengen kóne sha­harda irgeli is-sharalar uıym­das­tyrylǵany da ámbege aıan.

Elbasynyń baǵaly bastamasy – «Rýhanı jańǵyrý» baǵdarlamasy aıasynda aýyz toltyryp aıtarlyqtaı aýqym­dy jumystar atqarylǵany kóp jaıtty ańǵartary anyq. Sonyń arqasynda óshkenimiz janyp, ólgenimiz tirilip jatyr. Hal­qymyzdyń jadymen birge julqar rýhy da jańǵyrýda. Mynaý aıtýly oqıǵa sonyń aıǵaǵy. Endeshe, aldymyzdan týar aq kúnniń shapaǵat nury shartarapqa jylýyn shashyp, qazaq balasynyń abyroı-bedelin asqaqtata bergeı!

Qaıta túlegen Túrkis­tan­nyń juldyzy máńgilik joǵa­rydan jarqyraýyna tilek­testigimizdi bildireıik, aǵaıyn!

Úsh mıllıon halqy bar órkendegen óńirdiń úkilegen úmitindeı Túrkistannyń týy bıikten jelbiregeı!

Orazgúl ASANǴAZY,

qoǵam qaıratkeri

*****

Q. JANTО́REEVA: Halqymyzdy qýanyshqa bóledi

Elbasy Nursultan Nazarbaevtyń Ońtús­tik Qazaqstan oblysynyń ortalyǵyn Shymkentten Túrkistanǵa kóshirilý jónindegi she­shimin jarııalaýy tek óńir jurtshylyǵyn ǵana emes, tutas halqymyzdy qýanyshqa bóledi. Muny buqaralyq aqparat quraldarynan da, áleýmettik jelilerden de kórip, kýá bolyp otyrmyz.

Ulyq dinimizdiń taralýyna, ornyǵýyna ólsheýsiz eńbek sińirgen rýhanı ustaz Ahmet Iаsaýı eńbekteri dúnıege kelgen kıeli Túrkistanǵa kóshý – «Rýhanı jańǵyrý» baǵ­dar­lamasyn oryndaý barysyndaǵy úlken ta­rı­hı ótkel. Qoja Ahmet Iаsaýı ilimderiniń tár­bıelik máni shynshyl, taza adamdy qalyp­tas­tyrý. «Haqqa qyzmet etý halyqqa qyzmet etýden bastalady» dep aıtylǵan ǵulamanyń «Dıýanı Hıkmeti» halqymyzǵa ǵana emes, Islam álemine ortaq baǵa jetpes rýhanı qun­dylyq retinde ǵasyrlardan-ǵasyrǵa jetip otyr. Osyndaı tarıhı tulǵalar men kıeli oryn­darǵa baı mekenniń óńir ortalyǵy bolýy bul aımaqta týrızmniń damýyna, má­de­nı-rýhanı serpilis bastaý alýyna ári eko­no­mı­kalyq damý qarqyn alýyna yqpal eteri sózsiz.

Uly Jibek joly boıynda ornalasqan Túrkistan – ejelden saýda-sattyqtyń orta­sy, yntymaqtyń ordasy. Sondyqtan, Túrkis­tan­dy oblys ortalyǵyna aınaldyrý – sózsiz Elbasynyń eń bir utqyr sheshimi.

Qalyıma JANTО́REEVA,

«Nur Otan» partııasy OQO fılıaly tóraǵasynyń orynbasary