Brıfıngte qoıylǵan jýrnalısterdiń suraqtaryna QRKF Áleýmettik-ekonomıkalyq máseleler jáne áleýmettik áriptestik jónindegi komıtet tóraǵasy Satybaldy Dáýletalın, «Atameken» UKP Áleýmettik sala jáne áleýmettik áriptestik komıtetiniń tóraǵasy Talǵat Doskenov, QR Jumys berýshiler konfederasııasynyń atqarýshy dırektory Valentına Breýsova jaýap berdi.
Qazaqstan Respýblıkasy Kásipodaqtar federasııasy 2018 jyldy «Eńbek qaýipsizdigi jáne eńbekti qorǵaý jyly» dep habarlady. Bul bastama eńbek qaýipsizdigi jáne eńbekti qorǵaý salasynda eńbek zańnamasynyń saqtalýyna qoǵamdyq baqylaýdy kúsheıtýge baǵyttalǵan.
«Eńbekti qorǵaýdaǵy profılaktıka mádenıetin birge arttyramyz» respýblıkalyq aksııasynyń maqsaty eńbekti qorǵaý sharttaryna, óndiriste tótenshe jaǵdaılardyń aldyn alý, jumys berýshilerdiń jumysshylarǵa laıyqty jáne qaýipsiz eńbek sharttaryn qalyptastyrýǵa múddeli bolýy, ujymdyq áleýmettik jaýapkershilikti damytý, eńbekti qorǵaý máselelerine jumysshylardyń keńinen qatysýyn qamtamasyz etý máselelerine kópshiliktiń nazaryn aýdarý bolyp tabylady.
Áleýmettik seriktestermen aksııanyń qorytyndysyn shyǵarý 2019 jylǵy jeltoqsanǵa josparlanýda.
