Nursultan Nazarbaev Qazaqstan tarıhyndaǵy qıly kezeńderdiń halyq jadynda saqtalýynyń mańyzdylyǵyn atap ótti.
– Búgin elordada kórip otyrǵan jetistikterimizdiń bárine 20 jyldyń ishinde qol jetkizdik. Astanany salýǵa búkil Qazaqstan atsalysty, basqasha bolýy da múmkin emes edi. Sondyqtan biz bul mereıtoıdy barlyq oblystardyń qatysýymen, keńinen toılap jatyrmyz. Elimizdegi azamattardyń bári ózderin jaıly sezinip, jaqsy ómir súrgenin qalaımyn, – dedi Qazaqstan Prezıdenti.
Memleket basshysy elimizdi odan ári ilgeriletý isinde halqymyzdyń birligi aıryqsha mańyzdy ekenin aıtty.
– Biz birligimizdi saqtap, bir-birimizge qurmet kórsetýimiz kerek. Men barsha jurttyń Qazaqstanda ómir súrip, eńbek etip, ósip-órkendegenin qalaımyn. Eń bastysy – tatý qarym-qatynasty saqtaı bilý, – dedi Nursultan Nazarbaev.
